Rocket League كان تم الكشف عن إنها هتبقى أول لعبة هتدعم Cross-platform على Xbox Live. و ده معناه ببساطة إن Rocket League هتجمع ما بين Windows 10 و Xbox One.
حاليا Rocket League بتدعم Cross-platform ما بين PS4 و PC و في القريب Xbox One هينضملهم.
و حلم الـCross-platform ما بين التلاتة هو حلم Gabe Newell بيشاركه معانا. عضو في PCMasterrace subreddit باسم Eternifity ارسل لـGabe رسالة بيطلب منه انه يفتح أبواب الـCross-play و قاله ميزات الموضوع ده زي زيادة حجم المجتمع, عدد الألعاب الحصرية هيقل و حرية أكتر عند شراء جهاز تلعب عليه, و أن فتح الباب للـCross-play هو الخطوة القادمة لمجتمع Gaming افضل.
Newell رد وقال بيدعم الموضوع ده بشكل كامل.
Valve من زمان وهي بتدعم Cross-platform مشكل ما عن طريق Steam Play, و ده بيسمح للعب اللي إنت شاريها على Platform معين – Windows, Linux, أو Mac – متوفرة على التاني مجانا.
