Ubisoft كشفت عن صورة كاملة لخريطة Tom Clancy’s Ghost Recon: Wildlands وهي تعتبر الأضخم في تاريخ الناشر.
أحداث اللعبة بتقع في دولة بوليفيا اللي بتقدم 11 نظم بيئية مختلفة- منهم مستنقع، غابات، مرتفعات، والمزيد, أيضًا كل واحد منهم بيقدم تضاريس, نباتات وحيوانات و مناخ خاص بيه. الأنظمة ديه متقسمة لـ21 منطقة وكل واحدة ليها بنيتها و سكانها.
خلال الحديث مع Polygon, المدير الفني Benoit Martinez ناقش إزاي المواطنين بيشتغلوا في مجتمعاتهم.
احنا عندنا خطة كاملة للـNPCs, هم عايشين في العالم ده, بيناموا بالليل. بيصحوا. بيروحوا شغل. مهما كان إنت بتعمل إيه, بتتفاعل معاهم ولا لأ, هم بيسترموا في معيشة حياتهم بشكل طبيعي.
اللعبة هتنزل 8 مارس القادم على PlayStation 4, Xbox One, و PC. لو حد مهتم ممكن يسجل في البيتا المغلقة من هنا.
