أخبار و مراجعات ألعاب الفيديو

الاعلان عن Freemode Events في التحديث القادم لـGTA Online

SHARE
, / 161

Rockstar كشفت عن Freemode Events اللي هتبقى متوفرة في التحديث القادم للعبة على PS4, Xbox One و PC فقط. جدير بالذكر إن التحديث ده هيحتوي على Rockstar Editor للـXbox One و PS4.

Rockstar أكدت للأسف إن التحديث مش هيبقى متوفر على Xbox 360 و PS3 بسبب انهم حاولوا فعلا يعصروا طاقة الجيل السابق لحدة أخره, Rockstar كانت اعلنت في ديسمبر إن في تحديثات هتبقى متوفرة على الجيل الحالي فقط لانهم يقدروا يعملوها على الجيل الحالي ولكنهم كانوا بيتمنوا إن الأربع أجهزة تفضل معاهم لمدة طويلة.

Freemode Events هتحصل كل 12 دقيقة ومش هتحتاج إنك تخش Lobby عشان تخش الحدث ده, ولو اللاعب قرر انه ميدخلش الحدث ده ممكن يتفرج على الناس وهي بتلعبها. وطبعا هتكسب RP و GTA$.

والتحديث هيبقى فيه مهمتين Adversary Modes جداد وهما Hunting Pack و Cross the Line.

التحديث ده هيقدم برضه Rockstar Editor لـPlayStation 4 و Xbox One ومعاه ميزات جديدة هتنزل للـPC برضه زي Ambient Audio و مكتبة من الـSound Effects, و تحديثات لـDirector Mode والمزيد.

التحديث هينزل على PS4 و Xbox One في 15 سبتمبر القادم.