اخيرا تم تحديد معاد نزول GTA V للجيل الجديد و الـPC , اللعبة هتنزل يوم 18 نوفمبر علي الجيل الجديد و يوم 27 يناير 2015 علي الـPC!
و مع الاعلان عن مواعيد النزول Rockstar وضحت مميزات النسخ دي , انها هتشمل تغيير كبير في الجرافيكس و اداء اللعبة تخليك مندمج اكتر في عالم اللعبة عن نسخة السنة اللي فاتت.مدي الرؤية بالتحديد هيبقي اعلي و تفاصيل اوضح واضافات تانية كتير في الجرافيكس هتعلي من مستوي اللعبة.
اللعبة هيكون فيها اسلحة و نشاطات و عربيات جديدة بالاضافة لوجود حيوانات جديدة برضوا و كثافة اعلي لكمية العربيات في الشوارع و تحسين مستوي و تفاصيل الضرر الناجم عن الحوادث بالاضافة لوجود نظام طقس جديد واللعبة هيتضافلها اكتر من 100 اغنية لمحطات الراديو.
نسخ الـPre order هيجي معاها رصيد مليون دولار جوا اللعبة ممكن تصرفهم في الـSingle player او الـOnline بالاضافة ان اي حد هينقل الـSave بتاعه من اجهزة الجيل القديم هيكون ليه نصيب من عربيات نادرة من اجزاء السلسلة القديمة.
بالنسبة لـ Grand Theft Auto Online عدد اللاعبين هيزيد و هيبقي 30 بالاضافة ان هيكون في كل المحتويات اللي نزلت علي مدار السنة اللي فاتت.
المفروض ان في النهاردة جيمبلاي من اللعبة بالاضافة لشوية صور جديدة.
الاعلان نزل بشكل رسمي !
