IO Interactive كشفوا رسميا عن موعد اصدار الموسم الأول الكامل من Hitman.
الموسم الأول هينزل في 31 يناير 2017 على PS4 و Xbox One بـ60 دولار وعلى PC بـ40 دولار.
Hannes Seifert, مدير الستوديو في IO Interactive كشف إن النسخة ديه هتحتوي على كل حاجة الستوديو اتعلمها, حسنها و حدثها خلال العشر شهور. النسخة ديه هي ناتج من أراء مباشرة بداخل الستوديو و أراء وردود أفعال الجماهير.
أيضًا هيبقى متوفر نسخة Steelbook هتحتوي على اضافات كتير هتقدر تنزلها يوم 31 يناير القادم.
بالاضافة للحلقات المصدرة حاليا زي Sapienza, Bangkok, Paris و Marrakesh, اللاعبين هيحصلوا على حلقات اضافية. أيضًا هيبقى في ثلاثة مهمات اضافية جديدة وهم The Icon, A House Built on Sand و Landslide. أيضًا النسخة هتحتوي على الموسيقى التصويرية الخاصة باللعبة. وثائقي عن صناعة اللعبة. وأيضًا Hitman Requiem Blood Money Pack وديه بتحتوي على Cosmetics زي بدلة Blood Money. كل الـEscalation Contacts, والتحديات أيضًا هتبقى متوفرة.
لاعبي الـPS4 هيحصلوا أيضًا على The Sarajevo Six, و ديه ستة مهمات اضافية متوفرين حصريا على الـPS4.
