SK Productions News Center

الشرف مات – انطباعي عن بيتا For Honor

For Honor ليَّ شخصيا هي واحدة من أكتر اللعب المنتظرة العام ده, من أول ما Ubisoft كشفت عن اللعبة في E3 2015 وأنا منتظرها جدا, وجزء كبير من ده هو حبي لتاريخ الساموراي و Feudal Japan.

وعشان أكون صريح كل اللي كنت بتمنى إن Ubisoft تعمله صح هو الـGameplay, أنا مش بدور على إن اللعبة تبقى Historically-Correct بمعنى إن كل حاجة تم توثيقها في التاريخ اللعبة تقدمها بشكل مظبوط وصح, لإني شايف إن ده هيسمح إن اللعبة تبقى فيها مستوى غير محدود من الأبداع و كمان عشان يقدروا يقدموا حاجة من غير الوقوع في Plot Holes زي مثلا في مباراة Dominion إنت ممكن تبقى ساموراي بتدافع عن حصن خاص بالفيكينج, لو فضلنا نسأل هي إيه علاقة ده بـ ده هو إزاي ده حصل مش هنخلص أصلا. و ده سمح إن الستوديو يقدم فكرة جديدة هنشوفها في قصة اللعبة وهو إن سبب حرب الـVikings, Samurais و Knights هي Apollyon.

قبل بداية البيتا أنا لم أكن على علم قوي بـ إزاي أنا هلعب اللعبة على الرغم من إن كان فيه عروض كتير بتوضح الفكرة, أنا كنت لسة قلقان ومش عارف هل الموضوع هيبقى زي ما أنا متخيله وهقدر أتحكم في الدفاع والهجوم صح زي لعبة قديمة كانت عندي على PlayStation 2 اسمها Kengo: Master of Bushido ولا الموضوع هيبقى سهل جدا ولا صعب جدا, وكل اللي كنت متعلق بيه هو مخرج اللعبة لما قال إن اللعبة وصلت للنموذج المثالي لمحاكاة معركة الأسلحة القديمة.

اللعبة بتبدأ إنها تعلمك إزاي تلعب قدام AI مش بيرحم و تبدأ تفهم كل شخصية و كل سلاح و تعرف نقاط القوة والضعف الخاصة بيك و تشتغل عليهم وتستغلهم. أول ما تبدأ تجمع كل ده بتوصل لنقطة إن Combat System فعلا ممتاز وقوي جدا و غير معقد, هو فقط بيحتاج وقت بسيط عشان تتعود عليه. ولكن أوعى تتخدع, الـMastering لأي Class هو شيء صعب جدا وهيحتاج وقت طويل شوية. النظام مش معتمد على إنك تـSpam زراير و ده بسبب وجود Stamina و لازم تسيطر عليها عشان لو خلصت, هتبقى ديه نقطة ضعف يقدر يستغلها أعدائك و يبدأوا في حصارك. اللعبة بتعتمد على إنك تختار وضعك من التلاتة المتوفرين وهم فوق, شمال و يمين, عن طريق كده إنت بتختار دفاعك هيبقى لأنهي اتجاه زائد هجومك أيضًا. كل شخصية ليها Light و Heavy Attack وعلى حسب كل شخصية إنت لازم تظبط امتى هتستخدم الـHeavy Attack لأنه بيستهلك وقت و Stamina ولو غلط في تنفيذه ده بيفتح مساحة لعدوك يقدر يستغلها و يؤثر فيك جامد و ممكن كمان يقلب المعركة بالكامل.

البيتا قدمت 3 modes مختلفة وهم Duel, Brawl, و Dominion. في Duel إنت بتواجه واحد فقط ممكن يبقى AI أو صديقك أو شخص عشوائي من على الإنترنت, Brawl هي 2v2 و Dominion وهي الأساس بتاع For Honor هو عبارة عن 4v4 الهدف فيه إنك تسيطر على نقط وهم A, B و C. زي Domination الخاصة بـ ألعاب الـFPS ولكن مركزة بالكامل على إنك بتواجه الشخص اللي قدامك بسلاحك و دايما في سيناريوهات 1v1 أو 2v1 أو 2v2 أو حتى 4v4 حسب إنت فين والنقطة اللي فيها المعركة. أيضًا في زي Minions موجودة في المعركة و ديه النقطة من وجودها هي إنها تحارب أي حد قريب ليها و تساعدك في الدفاع عن أكتر نقطة صعبة في الـMode وهي B.

في Dominion الموضوع فعلا بيبقى صعب وبتبدأ تتجرد عن أساسيات كتير جدا من اللعبة عشان تكسب وتلجئ للهروب و ستراتيجيات مفهاش شرف خالص, ولكن أيضًا العمل مع اصدقائك في Dominion هو شيء ممتع جدا وتكتيكي من الدرجة الأولى. و ده بيوصلنا لنقطة مهمة جدا لو عايز تلعب لعب مشرف وبيحترم قواعد المعركة ألعب Duel أو Brawl ولكن اهم حاجة لازم تعرفها هي إن Dominion حرب.

الـClasses تم تطويرها بشكل ممتاز. كل Class وليه طريقته المميزة و مش تكرار لأي حاجة تانية موجودة في اللعبة. و فعلا شكلهم واقعي جدا وواضح جدا إن الستوديو أهتم بتصميمهم. الـBalance الخاص بيهم مظبوط جدا و مفيش حد خارق و يقدر يغير المباراة 180 درجة. كل المطلوب فقط لمطوري اللعبة هو ظبط الـDamage الخاص بـWarden لأن ديه شخصية من الواضح إن الهدف منها هو سهولة اللعب للكل و تمتلك Range كويس جدا و على كل ده بيقدر انه يقدم Damage عالي قوي بشكل سريع جدا و ده شيء أنا شايف انه لازم يتعدل شوية بس.

الـGraphics في اللعبة فعلا ممتازة  الشخصيات شكلها رائع و الخرائط في اللعبة كويسة جدا وشكلها رائع جدا و بيديك أحساس واقعي جدا بمعارك زمان, و بيتم تغيرها على حسب مين هو المسيطر على المنطقة ديه و ده حسب الـFaction Wars وده نظام بيدعم الـCross-play زي اللي كان متوفر في Mortal Kombat X و خلاله الـVikings, Samurais و Knights بيحاربوا بعض على السيطرة على أراضي الأعداء. اللي بيحدد كده هو انتماء اللاعب لأنهي Faction و مساهمته.

مشاكل البيتا عبارة عن واحد مشاكل الأتصال, الـConnection في اللعبة سيء, نسبة إنك تطلع من Game هي 25% و ده حسب اللي أنا واجهته. وأنا مدرك إن ديه بيتا ولكن للمرة الألف كفاية Peer-to-Peer. مشاكل الخاصة بيك دايما موجودة حتى لو دي اللعبة النهائية, أنا مش عارف ليه اللعبة مش بتستخدم Dedicated Servers اللي كان هيبقى شيء أريح و ده ممكن يبقى أكبر نقطة قلق ليَّ حول اللعبة, هل هنعاني من مشاكل في النسخة النهائية ولا لأ, لأن مع كامل احترامي للقصة الخاصة اللي نفسي جدا تبقى ممتعة, اللعبة بالنسبة ليَّ هي تجربة Multiplayer بحتة, بالأضافة إني مخطط إن Single-player ألعبها Co-op فـ أتمنى إن احنا لا نواجه مشاكل في اللعبة النهائية.

المشكلة التانية هي مش مشكلة خاصة بالبيتا فقط, هي مشكلة أنا خايف منها, وهي استمرارية اللعبة. هل عمر اللعبة طويل؟,إيه خطة الدعم بعد اصدار اللعبة, آه الاضافات هتبقى مجانية ولكن هل هتبقى اضافات تبقى سبب إني أفضل مستمر في لعب اللعبة؟ هل هيبقى زي دعم Rockstar لـGTA أو على الأقل دعم Blizzard لـOverwatch؟ ديه أهم نقطة بالنسبة ليَّ حاليا لأن اللعبة تمنها غالي شوية على اللي معروض حاليا. غير كده هي تجربة Multiplayer عظمية وممتعة جدا.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.