HTC أكدت إن الاشاعات اللي حول إن هيبقى في كشف لجيل جديد من Vive خلال CES الأسبوع القادم غير صحيحة.
الاشاعات كانت بدأت عن طريق تقرير من وكالة أخبار صينية, حسب التقرير HTC كانت بتخطط للكشف عن الجيل التاني خلال CES. الجيل كان هيقدم شاشتين شغالين على 4K بـ120Hz refresh rate و ده طبعا أعلى من 90Hz الخاصة بالجيل الحالي. الاشاعة كانت ليها بعض المصدقية بسبب إن سعر Vive قل بشكل ملحوظ في الصين.
ولكن كل الكلام ده طلع غلط.
مفيش أي حاجة صح عن إن احنا هنكشف عن Vive 2 خلال CES 2017. في Vive, احنا مركزين على بناء نظام قوي, نشط وبيكبر لكل ملاك Vive الحاليين والمستقبلين عشان يقدروا يجربوا افضل تجربة VR في غرفتهم بالأضافة لأحسن محتوى متوفر في السوق.
طبعا ديه أخبار كويسة جدا لملاك الجيل الحالي من Vive, أو اللي لسة شاريين واحدة بسبب التخفيض الضخم اللي كان حصل خلال Black Friday و Cyber Monday.
