ستوديو Hangar 13 كشف إنهم عايزين يخلوا عالم Mafia III يبقى حي جدا و بيكبر مع الوقت. و عشان الستوديو يعمل كده هيقدم تحديثات مجانية لكل من يشتري اللعبة. لو بتحب عالم New Bordeaux و مش عايز تسيبه, الستوديو أيضًا شغال على اضافات ضخمة هتنزل في المستقبل.
أول تحديث مجاني هيبقى خاص بـ الأطقم الخاصة بـLincoln – و ده كان واحد من أكتر الحاجات اللي كانوا الجماهير عايزنها في اللعبة. التحديث هيقدم أطقم جديدة وتقدر تغير لبس Lincoln على ذوقك.
أيضًا هيتم تقديم ثلاثة أسلحة دهبية وهم Judge, Jury و Executioner بعد ما اللعبة تنزل بـ 30 يوم.
أيضًا هيتم تقديم تعديلات أكتر للسيارات زي عجلات جديدة, لوحات الترخيص هتقدر تعدلها و دهانات. و أيضًا هيتم تقديم خيارات جديدة لتحسين أداء السيارة الخاصة بيك.
هيبقى في اضافة خاصة بالسباقات في المدينة عشان تحصل على فلوس, تعديلات لسيارتك و جوائز أخرى. هيبقى في تفاصيل أكتر عن الموضوع ده في المستقبل القريب.
الستوديو أيضًا وعد إن هيبقى في تحديثات مجانية اخرى.
قصص أكتر من مدينة New Bordeaux
الستوديو قال انهم عارفين احساس لما تخلص لعبة وتبقى عايز أكتر منها زي قصة و أماكن و action. الستوديو حاليا شغال على تحسين اللعبة وتجهيزها من أجل اصدارها في 7 أكتوبر القادم, و أول حاجة هيشتغلوا عليها بعد اصدار اللعبة هي اضافات القصة الخاصة باللعبة. دول هيبقوا تجارب منفصلة بالكامل هيكشفوا أكتر عن وقت Lincoln Clay في المدينة. القصص ديه هتكشف أيضًا إن المافيا الإيطالية مش هي الخطر الوحيد على حياة Lincoln.
أول اضافة هي “Faster, Baby!”
اضافة مركزة على سيارات سريعة, مطاردات درامية و المزيد, كل ده بيحصل لما Lincoln بينضم لصديقته السابقة Roxy Laveau, عشان ينهوا العمدة الفاسد اللي بيرهب ناشطي الحقوق المدنية.
“Sign of the Times”
سلسلة من الجرائم الطقوسية بدأت تحصل في New Bordeaux وفي حالة رعب كاملة في المدينة. Father James بيطلب مساعدة Lincoln عشان يقضي على الطائفة المتسببة في كده.
“Stones Unturned”
لما عصابة من المجرمين بتظهر في المدينة, Lincoln بيشارك John Donovan عميل الـCIA. عشان ينهوا نزاع دموي بدء من أيام حرب فيتنام.
بالاضافة لقصص الجديدة و الشخصيات, المدينة هتحصل على نشاطات جديدة عشان تشارك فيها وتكبر امبراطورية الاجرامية. و أيضًا الاضافات ديه هتقدم أسلحة و سيارات و سباقات و ملابس.
كل اضافة من دول هتبقى متاحة على حدى ولكن ممكن تشتري الـSeason pass لوحده أو مع النسخة الـDeluxe أو Collector.
