أخبار و مراجعات ألعاب الفيديو

التأكيد علي تقديم Mass Effect Andromeda لعالم مفتوح و تفاصيل عن طبيعة مهمات اللعبة

SHARE
, / 138
التأكيد علي تقديم Mass Effect Andromeda لعالم مفتوح و تفاصيل عن طبيعة مهمات اللعبة

Bioware ناقشوا في مقابلة مع موقع VG24/7 اكبر تحدى قابلهم في تطوير  لعبة Mass Effect Andromeda , و كان بالتحديد هو  تحويل العبة لعالم مفتوح و انه كان تحدى صعب بالنسبة لهم و هنا بيتكلم Aaryn Flynn مدير Bioware عن ازاى اللعبة هتتغير من الخطية للعالم المفتوح و قال

“من الحاجات العظيمة بالنسبة لينا اننا لسه لحد دلوقت بنتعلم ازاى نقدم لعبة و تجربة قصة ممتعة مليانة بالاختيارات و العواقب و فى نفس الوقت تحس انك فعلا فى الفضاء و مسيطر على كل الامور الى حواليك, فكرة انك تعمل لعبة عالمها مفتوح للاعب يتحرك فيه زى ما هو عاوز و يستكشف اماكن مختلفة و فى نفس الوقت تحافظ على وجود القصة كانت عملية صعبة بالنسبة لينا و فى نفس الوقت اتعلمنا منها كتير”

استراتيجية Bioware قايمة على انها تتيح للاعبين فرص اكبر و اكتر للاستكشاف و كمان فرص اكبر للحصول على مغامرات مختلفة فى اللعبة.

و يظهر ان Bioware  كانوا مدركين بعض التخوفات الموجودة ان اللعبة تكون مجردة Dragon Age Inquisition لكن في الفضاء , في مقابلة مع مجلة PC gamer وضحوا وجهة نظرهم ناحية النقطة دي و قالوا ان بعض مهمات Dragon Age Inquisition كان فيها شئ من السطحية لكونها مهمات بيتطلب منك ان تروح مكان معين تجيب شئ ترجع بيه من مكان ما بدأت المهمة او زي ما بيتقال عليها Fetch Quest و هدف اساسي ليهم في تصميم المهمات عدم اتباع نفس الاسلوب في Mass Effect.