في مقابلة مع Mike Gamble منتج لعبة Mass Effect Andromeda صرح ان جانب الـMultiplayer في اللعبة هيكون من تطوير نفس فريق تطوير الجانب دا في الجزء الثالث من السلسلة. و اكد ان Andromeda هتقدم الجانب دا بشكل مختلف بحيث ان التجربة هتكون تلقائية و سلسة مع جانب القصة, بحيث انها هتعتمد علي فكرة الـStrike Teams و هي فرق بيرسلها بطل اللعبة للقيام بمهمات معينة و من الممكن المهمات يتم تنفيذها في خلفية الاحداث و لعبك لمهمات القصة.
Gamble اكد ان نجربة القصة هتكون كاملة و غير معتمدة اعتماد كلي علي مجريات الاحداث من خلال مهمات الـStrike Teams, و لكن ان كان في رغبة في المشاركة في المهمات دي من خلال تجربة تعاونية مع اصدقائك فا اللعبة هتتيح ليك الاختيار دا بشكل حر من خلال جانب الـMultiplayer.
و اكد علي ان الـMultiplayer هيكون متوفر بدون قوايم منفصلة عن حانب القصة, انما هيكون موجود زي اي نشاط ممكن تمارسه في القصة نفسها.
اللعبة معاد اصدارها يوم 21 مارس القادم علي Playstation 4 و Xbox One و PC.
