Mass Effect Andromeda وعدت اللاعبين بحرية استكشاف العديد من الكواكب, خلال مشاركتهم في قصة اللعبة. ولكن, بالتأكيد كان هيبقى في حدود. Mac Walters من BioWare أكد في رده على واحد من جماهير إن اللاعبين في Mass Effect Andromeda هيبقوا محدودين في استكشافهم و مش هيقدروا يستكشفوا المجرة بالكامل.
الموضوع ده طبعا منطقي بسبب كذا نقطة. وجود مجرة بالكامل في لعبة هو شيء نوعا ما غير مقدور عليه بدون وجود procedural generation أي صناعة ذاتية من AI اللعبة, ديه كانت حاجة موجودة في No Man’s Sky و كان فيها مشاكل; بشكل عام في عالم Mass Effect وجود كواكب بالشكل ده هيبقى غير منطقي لانه مش هيفيد Lore اللعبة.
بالاضافة, ممكن BioWare تكون عايزة إنها تسيب باقي المجرة للعب في المستقبل.
Mass Effect Andromeda هتنزل على Xbox One, PS4 و PC في ربيع 2017.
