Need for Speed الجديدة تم الاعلان عنها اخيرا و المفاجاة انها مش هتكون بعنوان زي ما بعض الناس توقعوا انها ممكن تكون Underground جديدة.
اللعبة المفروض بتيجي بعد غياب سنة المفروض من خلالها المطور Ghost طور لعبة معتمدة بشكل كبير علي العالم المفتوح و تعديل السيارات و ثقافة سباقات الشوارع و تقريبا دا الشكل العام لـUnderground.
اللعبة المفروض انها بتطور فقط للجيل الجديد Xbox One و Playstation 4 و PC و تم التخلي عن تطوير اللعبة لاجهزة الجيل القديم.
و منتج اللعبة Marcus Nilsson اكد انهم عملوا اعادة اصدار او reboot للسلسلة لان في قصة جديدة هتتعرض في اللعبة لازم يكون في عنوان جديد و خصوصا ان اللعبة بتعرض شكل كبير من ثقافة سباقات السيارات مظهرش بشكل كبير في السلسلة قبل كده.
