ستيديو Ghost Games اعلن ان لعبة Need for Speed هيتم تأجيل نسخة الـPC منها لربيع سنة 2016.
الاسباب المعتادة اللي ممكن نسمعها هي ضمان جودة اللعبة و هكذا بس المرة دي في حجج موضحة بشكل اكبر و هي ان نسخة الـPC عاوزين يخلوها تشتغل اعلي من 30FPS لان علي ما يبدوا ان اللعبة كانت هتبقي زي اخر اصدار من السلسلة اللي كان شغال علي 30FPS فقط. دا غير طبعا تحديثات و ضمان لجودة جرافيكس عالية تناسب تجربة اللعب علي الـPC.
المطورين وعدوا ان في التوقيت بين نزول اللعبة علي الـXbox One و Playstation 4 في شهر نوفمبر لحد معاد نزول اللعبة علي الـPC اي محتوي هينزل في الفترة دي هيكون متواجد لنسخة الـPC.
جدير بالذكر ان في بيتا مغلقة للعبة هتبدا في خلال الاسابيع اللي جاية علي الـPlaystation 4 و Xbox One من الممكن اي حد يقدم عليها من هنا.
اللعبة هتنزل يوم 3 نوفمبر اللي جي.
