عرض جديد لـDirty Bomb تم اصداره امبارح من Splash Damage مطوري اللعبة بيتحدث عن عودة الستوديو لأصله على PC.
Dirty Bomb هي لعبة مجانية, First-person shooter. اللعبة هتبقى run n’ gun وده طبعا اللي ستوديو Splash Damage معروف بيه. اللعبة هتبقى في المستقبل القريب في لندن اللي تم تدميرها من قنابل قذرة. حتى الآن تم الاعلان عن طورين بس وهما Objective و Stop-Watch, وبرضه 5v5 و 8v8.
Splash Damage معروفين باضافة Return to Castle Wolfenstein اللي كانت اضافة Wolfenstein: Enemy Territory, و Brink, وهم اللي قاموا بتطوير Multiplayer بتاع Batman: Arkham Origins.
Dirty Bomb تم الكشف عنها في نوفمبر 2012, اسمها اتغير لـExtraction في أغسطس 2013, وبعدها اسمها رجع لـDirty Bomb في مايو اللي فات. ناشري اللعبة هيبقوا Nexon واللعبة حاليا في بيتا, وهتنزل في 2015 حصريا على PC.
