اللعبة اسمها One Life, هل هحتاج اقول أكتر من كده؟
One Life هي لعبة جديدة انضمت إلى قائمة اللعب الضخمة اللي على Steam Greenlight, وفكرة اللعبة عجيبة ومثيرة جدا. لو موت مش هتلعب اللعبة تاني.
أول ما هتموت في اللعبة ديه مش هتلعبها تاني إنت كده موت خلاص.
مطور اللعبة قال التالي عنها
One Life هي أول لعبة بقاء Multiplayer فيها Perma-permadeath, لو موت هتسيب اللعبة للأبد. هل هتقدر تنجو في العالم الصعب ده المليء بالمخاطر. العب مع اصدقائك و جهزوا نفسكم. العب بقواعدك إنت ولكن افتكر إن كل حركة هتعملها ممكن تبقى الأخيرة.
مطور اللعبة وضح إن إنت أول ما هتموت من واحد مثلا مش هتموت علطول, ممكن اللاعب ده يغفر عن حياتك ويسيبك تعيش بس هياخد كل حاجة معاك مثلا.
مطوري اللعبة معترفين إن محدش هيحب انه يدفع 10 دولار و يموت في 10 ثواني مثلا, بالعكس إنت هيبقى ليك تحكم كويس جدا في إزاي إنت هتبدأ اللعبة وتجهز نفسك, ولكن اللي بعد كده, نصحية الستوديو ليك إنك تجمع صحابك وتتعاونوا.
