ستوديوهات Arkane مطوري Dishonored 2 نزلوا تفاصيل جديدة عن Gameplay اللعبة و القوات وبعض الأسلحة المتوفرة في Prey.
بسبب وجود الكثير من الكائنات الفضائية والخطرة في محطة Talos I, اللعبة ليست بـShooter طبيعية, ولكن هي لعبة Shooter بتحتوي فيها على مكتبة كبيرة من قوي خارقة من عالم آخر زي Dishonored 2, التعدد في القدرات والأسلحة اللي اللاعب ممكن يمتلكها بيقدم اختيارات كتير لما يواجه اي كائن أو تحدي.
في Prey كل الفضائيين عندهم قدرات خاصة بعد ما بتواجهم و تتغلب عليهم ممكن تحلل جيناتهم و بعدها تقدر تعدل على الـDNA الخاص بيك عشان يبقى عندك نفس القوة. بعدها اللاعبين ممكن يحسنوا من القوات و القدرات ديه عن طريق حاجة اسمها Neuromood, جهاز بيستخدم الاضاءة عشان يحلل ويعدل المخ.
لما اللاعب بيستخدم واحد من القوي دي بيخش في حاجة اسمها Psy Mode, وده عبارة عن mode بيبطئ الزمن لفترة زمنية بسيطة عشان تقدر تجمع أفكارك و تحسب خطوتك القادمة.
كل القدرات بتحتوي على Cooldowns عشان تمنع اللاعب من انه يبقى قوي بشكل مبالغ فيه ولكن فترات الـCooldown ممكن تقل عن طريق Upgrades. وفي حاجة مهمة اللاعب مش هيبقى عايز انه يبقى عندك قدرات كتير جدا, بسبب وجود وحش اسمه the Nightmares و ده بيطارد اللاعبين في Talos I, وكل ما تزيد الـNeuromod abilities. كل ما إنت هتبقى فريسة أسهل للـNightmare.
بعض القوي اللي هتبقى متاحة في اللعبة:
Lift Field – عن طريق القدرة ديي اللاعب هيقدر يخلق حقل جاذبية عكسي و يبعت الأعداء للسماء. أيضًا القدرة ديه هتسمح للاعب انه يدخل اماكن جديدة.
Kinetic Blast – عن طريق القدرة ديه ممكن تعمل Kinetic Bomb وتحطها في المكان اللي إنت عايزه أو تستخدم الـBlast عشان ترمي/تبعد حاجة أو عشان تعمل ضرر على الأعداء.
Leverage – القدرة ديه بتسمح ليك بحمل أي حاجة مهما كانت تقيلة بسهولة جدا و ترميها في اي مكان و عن طريق Leverage, ممكن تفتح اماكن مغلقة أو ترمي حاجات ضخمة على الأعداء و تقتلهم علطول.
Mimic – عن طريق القدرة ديه هتقدر تتحول لأي حاجة, ممكن تتحول لحاجة صغيرة زي كباية قهوة, عشان تقدر تعدي من فتحة صغيرة في باب مثلا, أو تتحول لكرسي عشان تهرب من كائن فضائي خلال مطاردة.
Psychoshock – القدرة ديه بتسمح إنك تضرب الأعداء بشكل مباشر و توقف استحدامهم لقدرات Psi بشكل مؤقت.
الأسلحة:
Disruptor Stun Gun – السلاح ده غير قاتل وبيقدر انه يشل البشر والماكينات. السلاح ده مهم جدا لو إنت عايز توقف حد بيتم التحكم في علقه ولكن مش عايز تقتله.
GLOO Canon – السلاح ده يقدر انه يوقف الأعداء وكويس جدا في وقف تسريبات الغاز الضارة أو صناعة سلالم لمناطق صعب الوصول ليها.
Recycler Charge – السلاح ده بيستخدم في الأساس كـ قنبلة وبعدها بيصنع ثقب أسود ويسحب أي حاجة مش مثبتة و يكسرها ويحولها لقطع مفيدة تقدر تستخدمها في صناعة قطع جديدة, بمعنى إن Recycler Charge هو سلاح مدمر و بناء في نفس الوقت.
اللعبة شكلها مثير جدا وهتنزل في وقت ما في 2017 على PS4, Xbox One و PC.
