إيه اللي حصل بعد ثلاثية Mass Effect و الجزء القادم من اللعبة Andromeda؟ ده هيتم تغطيته في سلسلة جديدة من الروايات من Titan Books.
الروايات هتحكي اللي حصل قبل و بعد Andromeda وهتبقى جزء من ملحمة Mass Effect الشاملة. الروايات هتركز على الشخصيات الرئيسية و هتجيب على اسئلة كتير.
هيبقى في اربعة روايات. أول واحدة هي Mass Effect Andromeda: Initation وديه هتنزل في أغسطس 2016 من كتابة N. K. Jemisin. أما عن Mac Walters كاتب سلسلة Mass Effects فـ هو اللي هيكتب آخر كتاب, و ده هينزل في مارس 2018.
حاليا مفيش أي تفاصيل عن الكتاب التاني والتالت و مين كاتبي الجزئين دول, ولكن مواعيد اصدارهم هتبقى في مارس 2017 و سبتمبر 2017.
Andromeda كان من المفترض إنها تنزل في 2016, ولكن في مايو BioWare كشفوا إن اللعبة هتنزل في أول 2017. اللعبة تم تأجيلها عشان الستوديو عايز يضمن إن اللعبة تبقى على أعلى مستوى.
