خلال مكالمة مع المستثمرين, Yves Guillemot رئيس Ubisoft التنفيذي نشر تفاصيل جديدة عن الجزء التاني من Watch Dogs. أول حاجة الرئيس لمح إن Watch Dogs 2 هيبقى أسلوب جديد. ولكن هو لم يفسر قصده إيه بكدة.
على نقطة المبيعات, Guillemot لم يوضح أي توقعات ولكن قال إن اللعبة عندها قدرة كبيرة جدا إنها تبقى واحدة من افضل لعب Ubisoft مبيعا على الاطلاق. و أشار للعبة بأنها أكتر لعبة مبيعا في العام المالي الخاص بـ2016, و بكدة هيحط توقعات Watch Dogs 2 فوق Ghost Recon: Wildlands, South Park: The Fractured But Whole, For Honor,و لعبة جديدة غير معلن عنها.
بالأضافة, Guillemot قال إن Watch Dogs 2 هتقدم Gameplay مطور و مبتكر, ولكن برضه لم يوضح أكتر من كده.
الجزء الاول من Watch Dogs باع أكتر من 9 مليون نسخة.
Ubisoft كانت أكدت فعلا وجود اللعبة و إنها تحت التطوير, ولكن لم تنشر تفاصيل أكتر عن اللعبة, ولكن بشكل عام متوقع وبشدة إن اللعبة هتنزل قبل انتهاء العام المالي الحالي, اللي هينتهي في مارس 2017.
Ubisoft أكدت أيضًا إن هيتم الكشف عن مواعيد اصدار لألعابها القادمة خلال E3 2016.
