أخبار و مراجعات ألعاب الفيديو

رسميا: تأجيل No Man’s Sky

SHARE
, / 169
رسميا: تأجيل No Man’s Sky

الاشاعات كانت صح. Hello Games اعلنت بشكل رسمي إن No Man’s Sky تم تأجيلها و مش هتنزل في يونيو زي ما كان متوقع.

Sean Murray مؤسس Hello Games كشف على مدونة PlayStation إن اللعبة هتنزل على PS4 و PC في أغسطس.

في التدوينة, Murray قال إن تطوير اللعبة ماشي كويس جدا. ولكن في بعض اللحظات المهمة جدا محتاجة بعض الشغل و التحسين عشان يبقوا على مستوى الجودة الخاص بالستوديو.

أنا أخدت القرار الصعب ده عشان نقدم حاجة مميزة.

No Man’s Sky كده من المفترض إنها هتنزل في 9 أغسطس في امريكا الشمالية, 10 أغسطس في اوروبا, و 12 أغسطس في المملكة المتحدة.

احنا متفهمين إن الأخبار ديه مخيبة للأمال. تطوير اللعبة ديه يعتبر اصعب حاجة عملتها في حياتي. ولكن احنا قريبين جدا دلوقتي. و احنا مستعدين إن احنا نتخذ القرارت الصعبة ديه عشان اللعبة تبقى ممتازة.

عالم No Man’s Sky ضخم جدا. أكتر ما ممكن ان تتخيلوا. النوع ده من اللعب لم يتم محاولة تطويره قبل كده, من قبل فريق صغير مكنش حد يتوقع حاجة زي كده منه.

اللعبة كانت من المفترض إنها تنزل يوم 21 يونيو, ولكن بسبب تقارير سابقة قبل الاعلان الرسمي من الستوديو, فـ اللعبة محتاجة بعض التحسين وبالذات على نسخة PS4.