أخبار و مراجعات ألعاب الفيديو

الابراج المعتادة من العاب Ubisoft غير موجودة في Watch Dogs 2

SHARE
, / 186
الابراج المعتادة من العاب Ubisoft غير موجودة في Watch Dogs 2

مخرج لعبه Watch Dogs 2 في لقاء صحفي في معرض E3 اتسأل عن اذا كان هيبقي في زي كل العاب شركه Ubisoft ابراج لازم تتسلقها عشان تكشف منطقه من الخريطه و المهمات الي جنبها, سواء بالطربقه التقليديه بتاعت Assassins Creed او الطرق المخفيه الي الشركه بتتبعها لاستخدام نفس الفكرة  و لكن رد Johnathon Morin كان مفاجيء جدا , قال ان اللعبه مجرد ما بتبدأ و بتفتح الخريطه كل حاجه موجوده فيها بالفعل , انت عليك استكشاف العالم في الحال.

و بنائا علي كده تقدم القصه مش هيبقي بالطرق التقليديه المبنيه علي اساس المناطق الي بتكتشفها و بتلخصها , تقدم القصه هيكون مبني علي عدد التابعين ليك في DedSec و هي منظمه للـHackers و عدد التابعين  كل ما كان اكبر كل ما سمحلك انك تبدأ تنفذ عمليات اكتر , فالتجول فالعالم هيسمحلك بكده , و انك كل ما تجيب اتباع لمنظمه DedSec انت بالطريقه دي بتفتح مهمات اكتر و فرص اكتر و بتفتح مهارات تقدر تتعلمها , و اضاف انك تقريبا ممكن تعرف اقل اجزاء القصه و تكون قادر توصل لكل حاجه فالعالم , فحين انك لو فياهداف معينه وصلتلها تقدر تخلص القصه بتاعت اللعبه , و لكن العالم كله متاح من خلال انك تتجول فيه  او تلعب Co-Op و دي ميزه محدثه فاللعبه , فالجزء ده هتكون في مهمات مصممه للنوع ده و هيكون العالم حيوي اكتر, و بالرغم من كده ممكن تلعب كل المهمات لوحدك و لكن ده هيكون صعب , و بالنسبه للقصه فعيوب الجزء الاول كانت فالشخصيه الضعيفه و القصه الرتيبه و الاسلوب الروائي الضعيف, و لكن الجزء التاني تفادي كل العيوب دي و ركز علي قضايا مهمه جدا و منها العنصريه الي خلت بطل اللعبه و هو Marcus يتهم بجريمه ظلم عشان لون بشرته.