SK Productions News Center

مطوري Paladins يردوا على ادعاءات سرقة عناصر من Overwatch

بعد إدعاءات إن Paladins: Champions of the Realm سرقة عناصر كتير من Overwatch, ستوديو Hi-Rez قرر يخرج من صمته ويرد على الادعاءات ديه على Twitter.

دفاع الستوديو عن نفسه كان عن طريق تذكير اللاعبين بواحد من مشاريعه السابقة وهو Global Agenda, وحسب الستوديو ديه كانت مصدر الهام Paladins في الأساس. أيضًا بيقولوا إن كثير من قرارتهم الخاصة بتصميم Paladins اللي شبه Overwatch جدا كانت موجودة في نسخ مبكرة جدا من Paladins قبل ما تظهر في Overwatch أصلا.

مع العلم إن Overwatch هي لعبة كويسة جدا, احنا عايزين الناس تفهم إن تطوير اللعب هي عملية مكررة بـ أفكار كتير من مشاريع ماضية. ده شيء حقيقي هنا في الستوديو و معظم الستوديوهات التانية. في Hero Shooter, اللعبة اللي تستحق الشكر كله في النوع ده هي Team Fortress 2. في Overwatch أكتر من 100 قدرة, في Paladins حاليا في 85. معظم القدرات الخاصة بـPaladins ممكن تلاقوها في Global Agenda, لعبة احنا طورناها من 10 سنين و بعض القدرات من Tribes و Smite أيضًا.

حوالي 42 من القدرات الخاصة بـPaladins قريبة لقدرات موجودة في Overwatch فعلا, ولكن 36 منهم كانوا موجودين قبل كده في Global Agenda أو Tribes Ascend. 6 من القدرات ديه تم عرضها في Overwatch قبل Paladins. معظم قدرات Overwatch ممكن تلاقوها في لعب FPS قديمة. بسبب شهرة اللعبة و تسويقها, ناس كتير مش مدركين إن Classes زي Ruckus *ده Mech في Paladins* كان موجود في Paladins قبل ما Overwatch تكشف عن الـClass القريب منه *القصد هنا على D.Va*.

الستوديو فعلا عنده حق في نقطة إن Ruckus تم عرضه قبل الكشف عن D.Va, وفيديوهات كتير بتثبت كده و بتثبت نقط كتير عن إزاي Paladins مسرقتش Overwatch. ممكن تشوفه كل ده من هنا.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.