SK Productions News Center

الكشف عن محتوى اضافة Rainbow Six Siege القادمة Operation Skull Rain

Ubisoft كشف عن تفاصيل خاصة بـ اضافة Rainbow Six Siege القادمة Operation Skull Rain.

الاضافة هيبقى متوفر معاها 2 Operators جداد, و خريطة جديدة. الخريطة هتبقى متاحة مجانا لكل اللاعبين, ولكن الـOperators هيبقوا متوفرين حصريا لملاك الـSeason Pass لمدة 7 أيام قبل أي حد. بعد كده, ممكن أي حد يشتريهم بـ عملة اللعبة.

أول Operator, هي Caveira, وديه defensive operator. عندها قدرة اسمها Silent Step و ديه بتسمحلها إنها تتسلل على الأعداء و تشلهم و تحقق معاهم و تعرف أماكن باقي أعضاء الفريق. Capitão هو الـOperator التاني و ده Attacker, ومعاه tactical crossbow بيرمي بيه أسهم خانقة.

كلا الشخصيتين هم أعضاء في القوات الخاصة البرازيلية –  Batalhão de Operações Policiais Especiais (BOPE).

الخريطة الجديدة هتبقى في Favela و حسب الستوديو ديه أكتر خريطة فيها تدمير لحد دلوقتي.

المطورين أيضًا شغالين على كذا حاجة جديدة للعبة, منها custom game mode جديد اسمه Tactical Realism. حاجة زي Hardcore كده بتمنع اللاعبين من انهم يعلموا على مكان اللاعب و حاجات بسيطة بس هي اللي بتبان في الـHUD. أيضًا الـmode ده مش هيبقى في تأكيد على الـKill, زي الـHardcore بالظبط. الطلق هيتم التعامل معاه بشكل واقعي, بمعنى إنك لو معاك في الخزان 25 طلقة من 30 طلقة و قررت إنك تـReload الـ25 طلقة دول هيروحوا. التحديث هيضيف angled grip جديدة و نظام استسلام.

نظام الاستسلام الجديد هيسمح للاعب انه ينسحب خلال Ranked Matches, ولكن لازم يبقى في تصويت جماعي على كده. و هيبقى متاح قبل الجولة الثالثة.

Operation Skull Rain هتنزل يوم 2 أغسطس على PC, PlayStation 4, and Xbox One. وهيتم الكشف عن Gameplay من الاضافة يوم 30 يوليو خلال نهائيات الموسم.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.