الأسبوع الاول من بيتا Titanfall 2 كان مليء بردود الأفعال المختلفة. ولكن الردود السلبية كانت أكتر من الأيجابية بكتير.
الجماهير القلقة قدمت كذا مشكلة واجهوها في اللعبة و شايفين إن لازم تغيرها, والستوديو بالفعل قام بالرد في تدوينة جديدة على موقع اللعبة.
واحدة من أكبر المشاكل هي بطئ حركة الـPilot مقارنة بالجزء الأول. حسب Steven DeRose مصمم الـMultiplayer, حركة الـPilot تم تبطيئها عشان تخلي الـFirefights مهارية أكتر.
نقص قدرة توقع حركة اللاعب اللي قدامك هتقدي إن اللاعبين يتقتلوا من الجناب والخلف.
آه الـFlanking مهم جدا وجزء كبير من Gameplay, الموضوع ده كان بيظهر انه عشوائي أكتر ما هو مهاري.
رد الستوديو على المشكلة ديه هي إن حركة اللاعب في الهواء وعلى الجدران هتبقى أسرع, و Respawn حاليا بتختبر تقليل بعض العناصر اللي كان تم وضعها عشان تحدد من الـBunny-hopping. العناصر ديه في الأساس أثرت على اللعبة بالسلب في تنقل اللاعب.
أي حد لعب Titanfall 1 و شارك في البيتا الخاصة بـ2 هياخد باله إن معتش في عداد خاص بـTitan لأول ما Titan يبقى جاهز, بدلا عن كده إنت دلوقتي بتجمع نقط لحد ما تبقى قادر إنك تجيب Titan. اللاعبين اللي مش قادرين ينفذوا المطلوب في أي Game Mode هيحصلوا على Titan بتاعهم متأخر جدا.
Respawn مازالت تريد إن أسرع طريقة للحصول على Titan هي عن طريق تنفيذ المطلوب منك, ولكن أيضًا الستوديو عايز يضمن إن كل لاعب يحصل على Titan واحد على الأقل في Game الواحد. وبسبب كده إنت هتحصل على نقط قليلة مع الوقت بتتضاف لعداد الـTitan. زي الـSpecialist Skill في Black Ops 3 و الـUltimate Attack في Overwatch.
الـHealth الخاص بـTitans هي واحدة من أكبر المشاكل حاليا, في البيتا إنت تقدر توقع أي Titan بسرعة جدا وبشكل أسهل بكتير من الجزء الأول. DeRose قال إن ده بسبب المحتوى المحدود المتوفر في البيتا وده مأثر على وجهة نظر اللاعب عن المشكلة ديه, وده بسبب إن في معدات دفاعية خاصة بـTitans مش متوفرة في البيتا. Respawn حاليا شغالة على الموضوع ده وبتابعه, ولكن شايفين إن النظام الحالي بيكافئ العمل الجماعي بشكل أفضل.
بالرغم من كل ده تم تعديل الـDamage اللي أسلحة كتير بتضرره للـTitans.
تنقل وحركة الـTitan في الجزء ده محدودة جدا, وده بسبب إن Respawn قللت من عدد الـDashes المتوفرة لكل Titan. ممكن تحصل على Dash اضافية, ولكن لازم تضحي بحاجة من الـKit الخاصة بـTitan.
الـTech Test حاليا مفهوش أسرع Titan في اللعبة. وعلى الرغم من ثقتنا المطلقة في السرعات العالية المتوفرة في اللعبة, احنا سمعنا رأيكم الخاص بـ بطئ Ion و Scorch.
الـDashes الخاصة بـTitans هتشحن بشكل أسرع.
تصميم الخرائط هو أيضًا واحد من أكبر مسببي القلق للـ لاعبين. Homestead هي خريطة بتوفر مساحات واسعة و مفتوحة جدا و حركة أقل على الجدران بكتير عن اللي اللاعبين متعودين عليه. بعض الناس أخدوا إن الموضوع ده هيتنقل لخرائط تانية. ولكن حسب DeRose, الموضوع مش كده خالص و Respawn هتكشف عن خرائط تقليدية أكتر في الأسابيع القادمة.
الـHUD أيضًا هيتم تعديله و أول ما اللعبة تنزل هيبقى متوفر اختيارات لتعديله في أعدادات اللعبة.
بعض من التغيرات ديه هيبقى متوفر في الأسبوع التاني من البيتا اللي هيبدأ بعد ساعات و البعض الآخر هيبقى متوفر مع اطلاق اللعبة في أكتوبر القادم.
