Rockstar قدمت تفسير لسبب تأجيل GTA V على PC وانها مش هتنزل في 18 نوفمبر مع PS4 و Xbox One
Rockstar كتبت على المدونة التالي “احنا سعيدين إن احنا نشوف كتير من الناس متحمسة للعبة على الجيل الحالي و PC و احنا بنتطلع إن احنا ننشر مزيد من التفاصيل عن اللعبة قريب. احنا برضه متحمسين جدا لاصدار اللعبة على PC, ولكن اللعبة هتحتاج تلميع و وقت تطوير أكتر عشان نضمن إنها ممتازة وفي افضل حال. ونرجو منكم انكم تفضلوا متابعين معانا عشان هيتم الاعلان عن ميزات جديدة وتفاصيل أكتر عن اللعبة في الأسابيع القادمة.”
نسخة الجيل الجديد من اللعبة هيبقى فيها اسلحة جديدة, عربيات جديدة, ونشاطات جديدة, و اضافات للحياه البرية, ناس أكتر في الشارع, تأثيرات محسنة في الطقس و الضرر اللي على العريبات, والمزيد. وحسب المطور هيبقى في أكتر من 100 اغنية جديدة في محطات الراديو.
Grand Theft Auto V هتنزل في 18 نوفمبر على PlayStation 4 و Xbox One, أما مستخدمي الـPC هيحصلوا على اللعبة في 27 يناير 2015.
