Batman: Arkham Knight مع نزولها نسخة الـPC اتعرضت لكم كبير من المشاكل خلي ناس كتير مش قادرة تلعبها و اتعرضت لردود افعال سلبة جدا من الـPC gamers بالتحديد. و مع ردود الافعال دي اضطرت شركة Warner Bros تعلن عن وقف بيع نسخ الـPC و نزلت اعتذار رسمي عن اللي حصل في اللعبة و قالو انهم بيعتذروا عن الاداء السئ اللي حصل في النسخة دي من اللعبة و ان الموضوع بالنسبة ليهم جاد و هيوقفوا مبيعات نسخة الـPC حتي اشعار اخر!!
و اللي اكدوا عليه ان اثناء الفترة اللي هيوقفوا فيها بيع اللعبة هيكون في اصلاح لمشاكل اللعبة بشكل يوصل لمعايير الجودة الخاصة بيهم و محاولة ارضاء الناس اللي اشترت اللعبة علي الـPC و هما عندهم الرغبة في بذل قصاري جهدهم لضمان استمتاع الـPC gamers باللعبة.
و طلبوا من اي شخص اشتري اللعبة الصبر لحين حل مشاكلها او الاستعانة بخدمة الـRefund في Steam و ياخدوا فلوسهم تاني او يرجعوا لاي متجر اشتروا منه اللعبة.
عموما الخطوة غير متوقعة انها تحصل و تقريبا شوفنا العاب كتير علي الـPC بتنزل باداء سئ و المطور مش بيفكر في انه يوصل للخطوة دي نهائيا.
