مع نهاية البيتا الخاصة بلعبة Star Wars Battlefront المطورين في DICE بدأوا في توضيح بعض المعلومات بخصوص الـGame Modes اللي هتكون متاحة مع نزول اللعبة.
اول Game Mode تم الاعلان عن تفاصيله هو Cargo mode و دا هيكون اشبه بـCapture the Flag, الـGame Mode هيكون عبارة عن 6 اشخاص ضد 6 و الفريقين بيتنافسوا علي السيطرةعلي شحنة و نقلها للمكان اللي يخص كل فريق.
تاني Game Mode هو Hero hunt و دا عبارة عن تنافس 7 اشخاص ضد شخص واحد, و من الاسم واضح الشخص الواحد هيقوم بدور مين و اكيد هو الـHero اللي هيبقي واحد مش شخصيات الافلام زي Darth Vader مثلا و باقي اللاعبين بيحاولوا يقتلوه
تالت Game mode هو Droid Run و هو تنافس 6 اشخاص ضد 6 علي التحكم في آلي و هو الـGNK Droid طول اللعبة
DICE اكدوا علي ان الـGame Modes دي كلها هيكون ليها خرايط صغيرة و متوسطة الحجم مصممة مخصوصا لضمان الحركة بسهولة و بدون عوائق.
اللعبة هتنزل يوم 17 نوفمبر للـPC و Playstation 4 و Xbox One.
