أخبار و مراجعات ألعاب الفيديو

فيديو جيمبلاي للجزء الجديد من لعبة Styx بعنوان Shards of Darkness

SHARE
, / 266
فيديو جيمبلاي للجزء الجديد من لعبة Styx بعنوان Shards of Darkness

اصدر الناشر Focus Home Interactive فيديو جديد بيستعرضوا من خلاله الجيم بلاي وبعض من المعدات والقدرات الموجودة في لعبة  Styx: Shards of Darkness في  ثلاث مناطق مختلفة هي : Wildoran the hunters’ village و the secret Sanctuary of the Dark Elven city Korrangar و Thoben, the city of thieves

الجزء دا من Styx هتحس فيه من اول لحظة بسلاسة الحركة وسهولة التسلق مع قصة اغني من ناحية الاحداث والتفاصيل وعروض سينمائية بتعرض وبتعرفك علي الوحوش الاسطورية الموجودة في اللعبة اللي بتنتمي للقرون الوسطي, بالإضافة لمهمات جانبية متنوعة ونظام محسن للقتل و التسلل.

قدراتك اللي بتنفذها اثناء وجودك في الجو تم تحسينها بشكل كبير واضافة امكانيات جديدة عليها, اللاعب هيقدر يستخدم اساليب التأرجح بين الاماكن المختلفة للانقضاض علي الاعداء بإستخدام معدات زي الـCrossbow وانواع مختلفة من السهام للقتل المباشر او اللي بتحتوي علي سموم ومش بس ممكن تستخدمه فالقتل لكن مفيد برضه في تحرير بعض الاجسام الموجودة في بيئة اللعبة.

واحدة من القدرات المهمة جدا في اللعبة هي الاستنساخ, وتم تطويرها بشكل كبير بإنك هتقدر تجمع اداة من خلال المواد الموجودة في بيئة اللعبة وتقدر ترميها فأي مكان وتستنسخ نفسك في المكان ده ،،، ومن القدرات الجديدة Rebirth او “إعادة الاحياء” ودي بتقدر من خلالها انك تنتقل فوريا من مكانك الحالي لمكان النسخة اللي استنسختها من نفسك بأداة الاستنساخ اللي شرحناها قبل كدة – والقدرة دي ممكن تستخدمها في كذة اتجاه اما بإنك تنتقل بشخصيتك لاماكن يصعب التنقل ليها بالطرق الاعتيادية او لو لقيت نفسك في موقف قتالي صعب وحابب تهرب وتعيد ترتيب اوراقك.

لعبة Styx: Shards of Darkness مقرر اصدارها في شهر مارس 2017