أخبار و مراجعات ألعاب الفيديو

تأجيل اضافات The Division القادمة للتركيز على تحسين اللعبة

SHARE
, / 106
تأجيل اضافات The Division القادمة للتركيز على تحسين اللعبة

اضافة Survival و Last Stand تم تأجيلهم.

Ubisoft Massive كشفوا إن Survival  تاني اضافة لـThe Division اللي كانت من المفترض إنها تنزل مع تحديث 1.4 الصيف ده تم تأجيلها “لوقت لاحق العام ده”.

تالت اضافة The Last Stand تم تأجيلها من شتاء 2016 لأوائل 2017.

جدول المواعيد الجديد هيساعدنا جدا على تقوية تجربة اللعبة الأساسية قبل اضافة محتوى جديد, و أيضًا هيسمح لينا بتحسين اللعبة عن طريق اضافة مدة انتاجية أطول عشان نضمن مستوى التحديثات المستقبلية.

ده كان تعليق Massive على موقعهم الرسمي.

تحديث 1.4 هينزل منفصل عن اضافة Survival في أكتوبر القادم.

المشاكل اللي فريق مركز وشغال عليها هي كلتالي:

  • تصليح مشاكل اللعبة المعروفة و الغير معروفة
  • جعل الـLoot Drops مهمة أكتر للـ لاعب
  • صعوبة الأعداء و مدة قتل العدو
  • موازنة قوة الأسلحة و Gear Sets
  • تحسين تجربة اللاعب الفردية
  • موازنة الـDark Zone و PvP
  • اضافة طلبات مجتمع اللعبة زي إن الـSkins الخاصة بالأسلحة متخدش مكان من الـInventory.

التغيرات اللي هتبقى متوفرة في تحديث 1.4 هيتم الكشف عنها بالكامل في بث حي يوم 13 سبتمبر القادم.