SK Productions News Center

توضيح خطة المحتويات الاضافية للعبة The Division سواء كان مجانية او مدفوعة

The Division كان سبق و تم الاعلان عن محتوي الـSeason Pass الخاص بيها اللي هيشمل 3 اضافات هيوسعوا محتوي اللعبة.

لكن Ubisoft اتكلمت اكتر عن فترات نزول المحتويات دي و بالاضافة للمحتويات المجانية, المحتوي المجاني للعبة هيشمل Raid هتنزل في شهر ابريل و دي كعادة اي لعبة بتقدم النوع دا من النشاطات هتكون معتمدة علي تعاون فريق بشكل كامل و استخدام اسلحة من مستويات عالية مع اضافة ميزة تبادل الاسلحة اللي سبق و تم التصريح ان هيتم اضافتها مع الوقت و الاضافة دي تحديدا اسمها  Incursions.

و في شهر مايو اضافة Conflict هيكون تركيزها علي الـDark Zone اللي هتقدم محتوي يغير من اسلوب لعب الناس في المنطقة دي بدون ذكر تفاصيل اكتر من كده.

الاضافات المدفوعة هتشمل 3 توسعات للعبة و هما Underground اللي هتضيف مناطق تحت الارض في عالم اللعبة سواء كانت محطات مترو مهجورة او مناطق صرف صحي و اضافة Survival اللي هتتوفر في الصيف و هتضيف محتويات معتمدة علي البقاء علي قيد الحياة اما الشتاء القادم هتنزل اضافة Last Stand.