حسب متحدث من Ubisoft فـ اللعبة هتبقى في Manhattan, New York عند اصدارها.
على الرغم من إن الـE3 Demo بتاع 2013 اللي كانت اللعبة سعتها في بروكلين, مخرج اللعبة Magnus Jansen قال إن اللعبة هتبقى في مانهاتن.
في Tom Clancy’s The Division, اللعبة هتبقى في Midtown Manhattan. ده بسبب إزاي احنا قدرنا نطور المكان ده وتأثير الوباء عليه. ببساطة, كل حاجة اتدمرت مفيش مصادر تخليك تقدر إنك تخرج من مانهاتن. مفسيه غاز في العربيات, إنت على رجلك.
بمستوى التفاصيل اللي في اللعبة, Midtown Manhattan هتبقى ضخمة جدا وتجربة عالم مفتوح كافية بالنسبة للاعب انه ياخد راحته فيها.
طبعا هو شيء منطقي إن اللعب تتغير خلال مرحلة التطوير, وطبعا هيتم اضافة اماكن اضافية في الاضافات وهكذا. ولكن عجيب إن احنا نشوف Demo في مكان و مكان ده كان شكله كويس جدا ويتم سحبه بالشكل ده.
البيتا الخاص باللعبة هيبقى متوفر يوم 29 يناير لحد 31 يناير. و لملاك الـXbox One هتقدروا تلعبوا البيتا يوم 28. اللعبة الكاملة هتنزل في 8 مارس.
