SK Productions News Center

اول عرض و تفاصيل عن اضافة Hearts of Stone للعبة The Witcher 3

اول اضافة ضخمة للعبة The Witcher 3 هتكون بعنوان Hearts of Stone و الاضافة دي هتضيف محتوي كبير للعبة حسب ما وصف المطورين في CD Projekt RED.

الاضافة معاد نزولها هيكون يوم 13 اكتوبر اللي جي علي Playstation 4 و Xbox One و PC بسعر 8.50 $ و هتضيف اسلحة و شخصيات و وحوش و قصة جديدة للعبة.

اضافة Hearts of Stone من اهم مميزاتها هو عنصر جديد للجيمبلاي و هو Runewords و دا بيأثر بشكل كبير علي الجيمبلاي بحيث ان كل Ruin هتضيف استراتيجيات للعب بشكل جديد و بتدعم تغيير اسلوب لعبك في كل المواقف.

الاضافة مهماتها بتبتدي من اول Level 30 من بعد انهاء القصة الرئيسية و بتدعم الـNew Game + و بشكل عام الاضافة تعتبر جزء من الـseason pass الشامل اضافة تانية اكبر في الحجم و هي Blood & Wine.