SK Productions News Center

اعتذار رسمي من Valve على الخلل اللي حدث يوم الكريسماس

Valve اخيرا قدمت اعتذار رسمي على ما حدث يوم 25 ديسمبر على Steam. الموضوع اللي كان أقل وصف ليه انه كارثي و كان حصل بسبب هجمة DDoS على سيرفرات Steam أدى إن Steam يخرف بشكل ما و يكشف تفاصيل حسابات Steam لمستخدمين آخرين.

Valve كشفت إن 34 ألف مستخدم تضرروا.

Valve ما زالت شغالة على تحديد المستخدمين اللي تضرروا و هتتاوصل معاهم بعد ما يعرفوا كل اللي تضرروا.

يوم الجمعة الموافق 25 ديسمبر, وجد بعض مستخدمي Steam إن في خلل, الخلل ده أدى إن بعض المستخدمين يشوفوا تفاصيل مستخدمين آخرين بدل من تفاصيلهم هم. تفاصيل زي معاهم كام في Wallet و هكذا. موضوع ده فضل لحوالي ساعة قبل ما Valve تغلق Steam بشكل مؤقت من اجل تصليح المتجر.

النهاردة, رسميا Valve ردت, ووضحت كل اللي حصل و إن Steam فعلا تم الهجوم عليه عن طريق كذا DDoS في نفس الوقت و ده سبب مشاكل كتير. في محاولة من Valve إنها توقف و تصد الهجمات ديه, Valve من غير قصد ارتكبت غلطة هي السبب في إن بعض المستخدمين يشوفوا تفاصيل حسابات اخرى غير حساباتهم.

البيان الكامل من Steam من هنا.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.