كل شهر بيبقى في اشاعة عن Half-Life 3 و دايما بتبقى اشاعة, ولكن المرة ديه مصدر خاص بـGameinformer كان كشف قبل كده إن الحلقة التالتة من Half-Life 2 ليها Prototypes مختلفة. رجع وكشف إن Valve لم يكن عندها أي خطط لاصدار Half-Life 3. وكل النماذج اللي تم تطويرها كانت للحلقة التالتة من Half-Life 2.
مفيش Half-Life 3 خالص. Valve عمرها ما اعلنت عن Half-Life 3.3 اقرب حاجة Valve كشفتها هي إن بعد Half-Life 2 قالوا إن هيبقى في ثلاثة حلقات. اللي نزل اتنين فقط. ده ممكن نجادل انه وعد لم يتم تنفيذه. أي حاجة تانية زي فكرة إن ديه لعبة كاملة أو جزء جديد ده عمر ما Valve وعدت بيه.
عندما تم سؤال المصدر ده هل Valve لازم تخلص قصة Half-Life 2 من أجل الجماهير, المصدر كشف إن عمر ماهيبقى في حلقة تالتة من Half-Life 2.
أنا بعتقد إن عمر ماهيبقى في جزء جديد. ولكن في وقت ممكن يحصل قرار مفاجئ. لو بعض الناس من Valve قدروا يعملوا حاجة وفي احساس بالشغف والحماس, يبقى آه هتحصل. ولكن ده شيء صعب قوي انه يحصل دلوقتي. كل شوية مشروع Half-Life بيبقى في أفكار وكلام وبعدها بينهار تماما, وده بيسبب إن يبقى الموضوع صعب قوي إن يبقى مشروع جديد. بسبب إن عالم صناعة الألعاب بيتغير جامد, وفيه حاجات كتير جدا بتتعمل و بتبقى أصعب و أصعب. ديه حاجة لازم الناس تتقبلها كده كده. الناس هتفضل تضايقهم عشان يبقى في أكتر من عالم Half-Life. فكرة تقديم حلقة تالتة من Half-Life 2, ماتت. عمرها ما هتحصل. ممكن يبقى في جزء منفصل تماما عن عالم اللعبة يحصل في يوم من الأيام, ولكن ده صعب جدا.
Valve مش هتسمح بالطبع إن أي مطور طرف تالت يطور الحلة التالتة لأن الموضوع مش هيبقى في روح اللعبة.
ولكن المصدر كشف إن افضل حاجة Valve تقدر تعملها حاليا هي إنها تشتغل على تجارب Half-Life منفصلة عن عالم اللعبة, تجارب متصلة, و مش Sequel لحاجة تانية.
