SK Productions News Center

تعديل لـWatch Dogs يسمح بنقل مستوي الجرافيكس لعرض E3 2012

العنوان صحيح زي ما انتو قريتو , بالفعل واحد قدر انه ينزل تعديل للعبة Watch Dogs علي الـPC التعديل ده بيسمح انك تفتح تعلي من اعدادات الجرافيكس للعبة , ركزوا في الكلام تفتح اعدادات جديدة مش انك تعدل الجرافيكس زي ما بيحصل مثلا في GTA IV او Skyrim.

المفاجاة بقي ان التعديل ده نقل مستوي الجرافيكس للـTrailer اللي اتسبب في ضجة وقت نزول اللعبة و هو بتاع E3 2012, الجرافيكس بقت بنفس الاتموسفير هو هو بنفس مستوي الاضاءة و كل حاجة كانت موجودة في الـtrailer دا.

طبعا حاجة زي كده مش هتمر مرور الكرام , اكيد هنسأل نفسنا اسالة كتير زي ليه Ubisoft نزلت اللعبة بالمستوي دا من الجرافيكس علي الـPC و قفلت اعدادات اعلي للعبة؟ و ايه السبب في كده ؟ و هل الموضوع ليه علاقة بعدم فهم و استيعاب المطورين لامكانيات الكونسولز الجديدة فا وصلو لنتيجة و خلو نسخة الـpc مساوية ليها؟ ولا اساسا هما كانو عاملين حاجة فوق قدرة الكونسولز الجديدة ؟؟

اتفرجو علي الصور عشان تشوفو شكل الجرافيكس بعد التعديل ده , و دوس هنا عشان تعرفوا تنزلو التعديل و تستخدموه ازاي.