أخبار و مراجعات ألعاب الفيديو

وقف تطوير Whore of the Orient

SHARE
, / 174
وقف تطوير Whore of the Orient

آخر مرة سمعنا حاجة عن اللعبة كان من أربع سنين, وبعدها الستوديو وهو Team Bondi مطوري LA Noire دخلوا في صمت تام.

Whore of The Orient كانت زي الجزء التاني الروحي من LA Noire, وكانت هتبقى في 1936 في شانجهاي, واللعبة كان فيها أمل جدا و ده بسبب إن LA Noire كانت لعبة رائعة و الواحد نفسه في حاجة زيها. ولكن رسميا اللعبة تم وقف تطويرها.

Derek Proud منتج Team Bondi قال التالي عن وقف تطوير اللعبة:

Whore of the Orient كانت هتبقى المكمل الروحي لـLA Noire, احنا كنا هنستخدم نفس التكنولوجيا المستخدمة في LA Noire و كنا هنعمل لعبة في 1930, و ممكن كمان 1940 وفي شانجهاي.

شانجهاي كانت المدينة الوحيدة اللي كنت ممكن تروحها من غير باسبور في التلتينيات و الأربعينيات. وبسبب كده أي حد كان بيهرب من حاجة كان بيروح شانجهاي. المدينة كلها كان بيتم أدارتها من مجرب اسمه Big-Eared Du و كل ده كان يعتبر بالنسبة لينا عبارة عن اعدادات و وقت و مكان ممتاز لينا.

Proud قال إن اللعبة لم يتم الغاءها, ولكن لأسباب غير معلومة و مع العلم إن الستوديو حاول بـ اقصى جهده, اللعبة تم وقف تطويرها.

احنا حاربنا عشان تطوير اللعبة ديه, Brendan رئيس الستوديو, Alex Carlyle المصمم, Vicky Lord المديرة العامة و Naresh Hirani منتج المشروع كلهم حاربوا من أجل تطوير اللعبة و استمرار المشروع ده. وأنا حاربت عشانه بكل ما اقدر, لأن ده كان حاجة احنا كلنا كنا شغوفين جدا ليها. ولكن في النهاية ده اللي حصل.

اللعبة كان اتسرب منها Gameplay  للعبة و هي مرحلة التطوير في 2013.