أخبار و مراجعات ألعاب الفيديو

, / 203

ليه Overwatch ممكن تغير قواعد كتير في عالم الـFPS

SHARE

النهاردة كان آخر يوم في البيتا المفتوحة الخاصة بـOverwatch, اللعبة صراحة كانت ممتعة جدا وبتقدم أفكار كتير جديدة و مختلفة. آه اللعبة ممكن تبقى مبنية على فكرة الـMOBAs و لكن زي ما خالد قال في الفيديو اللعبة أخدت فكرة توزيع الشخصيات و فكرة إن كل شخصية ليها قدراتها الخاصة بمعنى أصح الـTeam Composition وكل ده بيوصل لنقطة مهمة جدا وهي قاعدة الـTeam Work. أي حد لعب البيتا عرف قد إيه موضوع ممكن يبقى صعب لو بتلعب مع فريق مفيش اي تواصل او تعاون ما بينكم فـ الموضوع بيأثر على طريقة اللعب جدا و بيبقى عشوائي, شيء زي ده ممكن عادي في Team Deathmatch في FPS Game مثلا أو في Call of Duty وأنا مش بعيب CoD و بقول إنها عشوائية, لا اطلاقا أنا بحب فكرة إني في Call of Duty ممكن افتح الـConsole و أقدر ألعب معظم Game Modes من غير واحد صحبي و من غير ما يبقى في اتصال بيني وبين شخص أنا بلعب عشان اتمتع بالساعة المتوفرة في وقت فراغي و مش بشكل تنافسي.

widowmaker-screenshot-005

في Overwatch الكلام بيختلف جدا معظم Game Modes كلها زي Domination و King of The Hill وكده, في CoD أو Star Wars Battlefront لو الفريق بيلعب على الـObjective في فرصة كبيرة جدا إنك تكسب لأن موضوع بنسبة كبيرة مش معتمد على فكرة إن الفريق متقسم إزاي و ده بيعمل إيه وكده و لو حد لعب Call of Duty أو Star Wars مع صحابه و كان لعبهم منظم جدا و عارفين هم بيعملوا إيه, بنسبة 80% هيقدر انه يكسب معظم الـGames و مش هيخسر بالسهل في الـ20% الباقيين. ولكن في Overwatch و هي Hero Shooter لازم الفريق يبقى متقسم كويس جدا عشان يبقى في منافسة على Game, لو الفريق في خلل و بيلاعب فريق منظم شوية هيلاقي نفسه في Game صعب جدا وديه حاجة مميزة جدا في Overwatch احنا مشفنهاش بقالنا فترة كبيرة جدا ممكن من أيام Team Fortress.

ببساطة ممكن فريق منظم جدا ولكن مش مهاري قوي يكسب فريق مهاري جدا ولكن مش منظم *زي Real Madrid مع Rafael Benítez*

Overwatch مبنية كفكرة على المخاطرة. المخاطرة من إنك تبعد عن الطبيعي في لعب الـFPS و النموذج اللي بقى متبع في كل اللعب و تقديم شيء مختلف تماما مش هتلاقي في معظم الـFPS Games المتوفرة حاليا. عالم لعب الـFPS بقاله فترة بيعاني من عدم التجديد و إن كل الحاجات بقت شبه بعض وقديمة, اللي بدأت تعمل تغير في شكل الـFPS كانت Destiny بإضافة عناصر RPG و Titanfall عن طريق تقديم فكرة Mechs معاك في Game. و نجحوا في تقديم شكل شد الناس تاني للـFPS ولكن برضه فشل في المحافظة على الناس اللي بتلعب و يبقى في مجتمع تنافسي و فكرة إنك لو فاضي شوية تفتح تلعب Game أنت و صحابك و تقفل تاني, حاجة Call of Duty صراحة بتقدمها بأمتياز.

roadhog-screenshot-005

Overwatch هنا بتقدم الروح ديه, روح التجديد وشكل مختلف لعالم الـFPS, ناس كتير ممكن تجادل فكرة إن Team Fortress 2 كانت قدامنا من 2007. ولكن Overwatch في أساسها هي لعبة FPS تنافسية جدا و مبنية على فكرة الفريق وإنك مش لازم تنزل و تجيب اكبر عدد من الـKills عشان تبقى أحسن واحد في Game بالعكس أنت ممكن تبقى بتلعب بـMercy أو أي شخص من Support Class وتبقى أحسن واحد في Game و ده عن طريق تقديم المساعدة المطلوبة للفريق و إنك دايما هتلاقي الفريق محتاج شخص زي ده, بيقدم المساعدة الصح. في تجربتي الشخصية للعبة أنا كنت بلعب بـSupport و Defense لأن في معظم اللعب اللي مبنية على Classes أنا بحس إني هبقى أفضل لو أنا بدعم الفريق بتاعي عن طريق إني الـHealing أو نقطة مطلوب مني الدفاع عنها و ممكن افضل Game كامل لم أقتل أي حد ولكن عملت فرق عن طريق الدعم اللي قدمته للفريق. لو حد لعب Evolve هيفهم النقطة ديه بالذات.

و بكدة يبقى تم تغير واحدة من قواعد الأساسية وهي إن القتل هو كل حاجة, القاعدة ديه في Overwatch غلط تماما. قاعدة Overwatch الأساسية من وجهة نظري هي إن الدعم هو معظم الشغل المطلوب في Game, فكرة إن الـClasses هي اللي بتكمل بعض و إن كل Class بيشغل التاني و إن في مواقف كتير أنت ممكن فعلا تكسبها من غير ما تواجه اللي قدامك. المختصر المفيد الفريق كله شغال عشان هدف معين مش عشان الحفاظ على KDR عالي.

اهم ميزة في اللعبة إنك ممكن في خلال كام ساعة تبقى مجرب معظم الشخصيات و قدرت إنك تتعلم أساسيات كتير و تبدأ تكون ملامح الـClass أو الشخصية اللي أنت هتبقى مرتاح ليها. على عكس اللي ممكن تسمعه إن اللعبة هتحتاج أيام عشان تتعود عليها, ده كلام أنا شايف انه غلط. أنت فعلا هتوصل لأيه اللي إنت شايفه افضلك في اللعبة ديه و هتبدأ تجمع اللي بيحصل في Game و إزاي الفريق اللي ضدك حاليا بيلعب موضوع مش صعب خالص و بأول ما أنت بتحط أيدك على بداية الطريق ده, هتحس بتجربة ممتازة, بقالنا فترة كبيرة مفتقدينها.

genji-screenshot-003

اللعبة بتقدم نظام رائع جدا عشان تدخلنا في عالم و قصة اللعبة عن طريق Comics و Animated Shorts و المزيد. و أيضًا اللعبة هتقدم كل الشخصيات و الخرائط اللي هينزلوا بعد اصدار اللعبة ببلاش عشان مجتمع اللعبة ميحصلش في أي نوع من أنواع التقسيم.

Overwatch هي فعلا واحدة من أكتر اللعب اللي أنا منتظر إنها تنزل جدا وفعلا مستني اللي اللعبة هتقدمه بعد ما تنزل, و بنصح أي حد وبالذات محبي الـFPS. لو حابين تشوفوا و تعرفو اكتر عن اللعبة اتفرجوا علي الفيديو اللي اتقدم علي القناة عن اللعبة و انطباع خالد من خلال البيتا.

لشرح فكرة اللعبة و انطباع خالد عنها من تحت.