يبدوا كدة ان Microsoft مهتمة الفترة دي بانها تورينا اهتمامها بالPC و دة كان واضح من مؤتمر Build و كمان من تصريحات Phil Spencer . و لكن خرج علينا Phil Spencer ببعض التصريحات الي ممكن تكون مقلقة او تكاد تكون اخبار سيئة لملاك الـPC .
و قال Phil Spencer و بانة هيكون دعم كامل من حيث الالعاب الحصرية للـPC و لكن مع احتفاظ بعض المنصات بحصرياتها و ان كل مش حصريات الXbox One هتكون متاحة للـPC .
و اكد ان لعبة السيارات Forza هتكون متوفرة للمنصتين و كمان اطمن عشاق الPC بانة مش هيكون الجزء الاخير الي هينزلهم و بان الاجزاء القادمة هتكون متاحة برضوا للPC .
و لكن الخبر السئ بان لعبة Halo 5 مش هتكون متوفرة للـPC و ان الـXbox هيفضل محافظ عليها كحصرية ليه , و دة يرجع بان اللعبة مصممة من الالف للياء بانها تكون لعبة كونسول و مايكروسوفت مفيش نية عندهم للرجوع للخلف و اعادة تطوير اللعبة لمنصة جديدة و وجهه نظرهم دعم اللعبة الحالية بمحتويات جديدة لكن من الممكن يتم النظر لاصدار اللعبة علي الـPC بالعاب جديدة زي Halo Wars 2 اللي تعتبر تحت التطوير.
