أخبار و مراجعات ألعاب الفيديو

هتقدر تتواصل مع الـTitan الخاص بيك في Titanfall 2

SHARE
, / 106
هتقدر تتواصل مع الـTitan الخاص بيك في Titanfall 2

تفاصيل متعددة من الـCampaign الخاصة بـTitanfall 2 تم نشرها الأمس.

القصة هتقدم معارك متعددة ومفتوحة جدا, هيبقى في كذا طريقة إنك تهاجم بيها.

خلال قصة اللعبة, اللاعب هيلعب بـJack Cooper جندي حلمه انه يقود الـTitan الخاص بيه, وحلمه بيبقى حقيقة لما بيشوف BT-7274 خلال حادثة. الـTitan بيحتاج مصدر طاقة جديد, و Jack بيقدر انه يلاقي واحد ويركبه, و بيقدر انه يشكل اتصال عصبي مع الـTitan.

الأتصال العصبي بيسمح للـ لاعب انه يتواصل مع الـTitan الخاص بيه عن طريق اختيارات حوارية. كمثال, الـTitan هيقدم للـ لاعب اقتراحين عن إزاي يتقدم في المهمة و يعبر من الفجوة اللي في الأرض. الاختيارين كانوا عن كيفية إن اللاعب يعدي من الفجوة ديه, كل واحد وبنسبة نجاح معينة مقدمة من BT: واحد من الاختيارات كان ان الـTitan يرفع اللاعب في إيده و يعديه من فوق الفجوة.

أيضًا لو في قاعدة عدو ممكن تختار مع الـTitan يا تخش ترزع يا تلعب دور صامت بقناصة.

Drew McCoy منتج Titanfall 2 قال لـEurogamer التالي:

في اختيارات متعددة لإزاي إنت عايز تلعب اللعبة, الموضوع عن إنت كيفية ارتياحك مع الأسلحة والحركة. من ناحية الـCombat في حرية كبيرة جدا.

جزء الـSingle-player يقال انه على نفس مستوى الـCampaigns الأخرى في لعب الـShooters بتركيز ضخم على الـMultiplayer. و McCoy أضاف إن ديه أطول Single-player هو اشتغل عليها.

الموضوع مش مهمة  مدتها 10 لـ15 دقيقة بعد مهمة مدتها 10 لـ15 دقيقة.

اللعبة هتنزل يوم 28 أكتوبر على PC, PlayStation 4 و Xbox One.