أخبار و مراجعات ألعاب الفيديو

مراجعة Attack on Titan 2

SHARE
, / 555
مراجعة Attack on Titan 2

حاجة زي Attack on titan ان يتبني عليها و يتقدملها لعبة ممكن تكون حاجة ميتقلهاش لا, لان سواء من المانجا او الانمي في مادة خام لحاجة زي كده من افكار لادوات و اسلحة و عالم خيالي من مصادر خطر و شخصيات و احداث و قصة ممتازة.

و دا بالفعل حصل في 2016 بتقديم لعبة مخصوصة مبنية علي احداث الموسم الاول من الانمي و كانت وقتها لعبة متواضعة لعبة مسلية شوية فيها شوية تكرارية بس كانت حطت اساس مش بطال من جيمبلاي و خصوصا الـCombat System اللي بتواجه بيه الـTitans في اللعبة

الجزء التاني من اللعبة كان متوقع منه اكيد تجديدات وتحسينات علي الاسلوب دا و الدخول في احداث الموسم التاني من الانمي اللي اتقدم السنة اللي فاتت و لكن اللي اتقدم في الاخر عكس التوقعات و من الممكن في البداية يتشاف ان استقبال اللعبة دي يختلف بين لو حد لعب الجزء الاول او لا و لكن سواء لو كنت من الجانب دا او دا attack on titan 2 فيها حجات كتير هنعلق عليها