في سبتمبر 2014 لما نزل الجزء الاول من لعبة Destiny بدون تردد اللعبة كانت بالنسبالي شخصيا و بالنسبة لناس كتير اكتر لعبة محبطة في السنة دي.
و دا جه من بعد انتظار لمدة خمس سنين و فتح مطور زي Bungie لصفحة جديدة بتطوير لعبة بعيدة عن سلسلة زي Halo اتفاجانا ان Destiny كانت مشروع متخبط من ناحية القصة من ناحية افكار الجيمبلاي و ضعيف في المحتوي, و الاساس اللي اللعبة بنت نفسها عليها اخد سنة عشان يتصلح عيوبه و Bungie يقدرو يحددو بالزبط هما كانو عاوزين يقدمو ايه بشكل الي حد ما صح.
لكن تمر الايام و تجيلنا Destiny 2 اللي ظاهريا و في قلبها احتفظت بحجات كتير من الجزء الاول لكن علي جانب تاني و مع تجربة اللعبة علي مدار اكتر من 40 ساعة لعب في تغييرات و افكار جديدة اللعبة بتضيفها لكل جوانب محتواها تخليني اقول دا اللي احنا كنا المفروض ناخده في 2014.
