لعبة Lawbreakers من الالعاب اللي استخدمت فكرة الـHeros اللي شوفنا انتشارها في كذا لعبة Multiplayer مؤخرا, و Lawbreakers استخدمت الفكرة دي عشان ترجع الـArena Shooters اللي كانت منتشرة في اواخر التسعينات و اول الالفينات.
اللعبة ممكن يكون ليها افكار مميزة و اساس كويس جدا للافكار دي لكن في اسألة كتيرة بخصوص محتواها و الـBalance اللي بتفرضه اللعبة في المحتوي دا, خصوصا انها من الالعاب اللي بتعاني بسبب اسلوب دعايتها اللي اتسبب في قلة عدد الناس اللي بتلعبها حاليا بشكل كبير جدا و ملحوظ علي Steam.
فا في المراجعة هتكلم معاكم عن مميزات و عيوب اللعبة و ليه علي رغم من عيوب Lawbreakers احنا ممكن نكون محتاجين وجود اللعبة دي حاليا.
