سنة 2014 علي رغم انها مكنتش بداية موفقة تماما للجيل الحالي بسبب المستوى المتواضع و المشاكل اللي قابلت بعض الالعاب اللي نزلت وقتها, كان في العكس في أمثلة قليلة منها Shadow of Mordor اللي كانت مفاجاءة 2014 Shadow of Mordor كانت لعبة عالم مفتوح ممكن يتبصلها علي أنها لعبة تقليدية في وسط النوع دا و لكن فكرة واحدة بس غيرت الموضوع 180 درجة و هو فكرة الـ Nemesis Mode.
الفكرة كانت تعتبر جديدة تماما و مبتكرة و خلص فعلا Shadow of Mordor من افضل العاب 2014 و من ضمن الالعاب المميزة للجيل الحالي و كانت لعبة ممتعة جدا انتظار Shadow of War كان بسبب ان الواحد عاوز يشوف تطوير أكثر علي الـ Nemesis Mode استغلال افضل للعالم المفتوح و قصة تليق بكونها لعبة بتقع قبل أحداث رئيسية و مهمة في عالم Middle Earth و كتب J R R Tolkien اللي اتبنى عليها افلام The Lord of the Rings.
