طبعا كلنا عارفين Monopoly اللعبة العائلية اللي كنا زمان كلنا بنلعبها و ممكن ناس فينا تبقى لعبتها بالأسم بتاعها في مصر بنك الحظ, Ubisoft أصدروا نسخة جديدة للعبة ووعدوا إن ديه واحدة أي حد لعب Monopoly قبل كده هتعجبوا, ولكن للاسف اللعبة مكنتش زي المتوقع.
Ubisoft قالوا إن ديه هتبقى مجموعة Monopoly عبارة عن ثلاثة ألعاب, الكلام ده غلط. اللعبة فيها Classic Monopoly, Monopoly Deal. وكمان مكتوب في اسم اللعبة “Family Fun” وطور Monopoly Deal أصلا Online Only فعائلات إيه اللي هتلعب مع بعض؟
من الاول كده اللعبة ديه تتحط في أسوء لعب اتعملها تسويق.
اللعبة شكلها حلو. كل حاجة شكلها حيا بألوان جميلة جدا و Animations حلوة. لما تلعب Living Board بتحس بروح جديدة وإنت بتلعب عكس زمان. لما بترمي النرد وتشوفوا بينزل ويفضل يخبط في Elements اللي موجودة تحت أو قطعك بيبقى الأمر مسلي. المؤثرات الصوتية في اللعبة حلوة و الموسيقى هادئة وكويسة وبتناسب الروح العامة للعبة. الراوي في اللعبة بيضيف متعة و جمل كويسة جدا وعمرها مابتبقى مزعجة بشكل يضايق حد.
أنا هتكلم في الاول عن Monopoly Deal هي Card game. لو عايز تلعبها مع عائلتك فـلازم تشتري الـCard Game الحقيقة. المهم الموضوع كله ممتع والهدف فيه أنك تجمع تلت مجموعات كاملة من الممتلكات. مع الوقت هطور خطة عشان تعرف تكسب اللي قدامك. طبعا في شوية حظ داخل في موضوع, ولكن خطتك دايما هتفرق الحظ بيأثر شوية ولكن الخطة اللي هتشتغل بيها دايما هتبقى افضل من الاعتماد على الحظ.
Monopoly Plus, ممكن فيها تلعب Living Board, Classic Board زي العادية خالص, و DLC Boards, أو Board إنت عاملها في My Monopoly. إنت ممكن فيها تختار من 8 قوانين وديه المشكلة بقى أنا عمري في حياتي ما لعبة Monopoly من غير ما نعدل في قوانين اللعبة, الشيء المحبط هو عدم القابلية على تعديل قوانين في اللعبة.
My Monopoly, وهي الميزة اللي بتسمحلك بانك تعمل Board وكده ولكن للاسف الموضوع محدد جدا, مينفعش تحط صور من عندك أو أي حاجة كل اللي تقدر تعمله هو إنك تختار Sticker موجود في اللعبة أصلا و تحت عليه Text.
طبعا أكتر حاجة بتضايق هي لما تلعب Online مع كذا واحد , و أول ما Host يزعل يقوم قافل اللعبة, وأول ما ده بيحصل الـGame بيخلص. ومثلا تخيل نفسك في Game ساعة وشوية وحصل كده؟ ده المعادل الحديث من إنك تاخد Board وتقلبها على كل اللي بيلعبوا معاك في الحقيقة. فـ بكدة يا تبقى أنت الـHost يا تشوف واحد مضمون وده صعب جدا. الفكرة كمان إن الحل للمشكلة ديه بسيط جدا وهو إن أول ما واحد يطلع يتبدل بـBot وخلاص.
اللعبة محدودة جدا ولكن Living Board بتحط نوع جديد من المتعة في اللعبة وبتضيف روح جديدة و ممكن تبقى ممتعة لأي حد لعب اللعبة ديه زمان وهو صغير.
