أخبار و مراجعات ألعاب الفيديو

مراجعة Pro Evolution Soccer 2016

SHARE
, / 237

أول حاجة كلنا بنلعبها في أي لعبة رياضية جديدة هي الماتش الودي. وصراحة Gameplay في PES 2016 سلس جدا. اخيرا Konami قدرت تستخدم افضل امكانيات FOX Engine من اجل تقديم PES 2016. اللاعيبة, الجماهير, الجو الحماسي, الطقس , ومؤثرات الاضاءة كل ده بيدي روح ممتازة في PES 2016. الـAnimations في الاصدار ده شكلها ممتاز جدا وحركة الكورة كويسة جدا مع اللاعب. الموضوع كله سلس وطبيعي . كل ديه تحسينات ممتازة مقارنة مع PES 2015, اللي كانت Clunky في بعض الاوقات في Animations كتير. ونظام الالتحام في اللعبة ديه اقل كلمة تقال عليه هي انه عظيم.

بعد تجربة كام ماتش ودي مع أخويا, جه وقت إني العب الـMaster League. الـMode ده شبه Career mode الخاص بـFIFA . اهم حاجة Konami قدرت تعملها هي المحافظة على حقوق Champions League و الحصول على حقوق UEFA Euro 2016. في اضافات ضخمة مقارنة بـCareer Mode الخاص بـFIFA. أنا مش بقلل من Career mode ولكن Career mode مش بيضاف عليه أي حاجة ضخمة زي PES 2016. في PES إنت بتكبر اللاعبين الشباب وتنمي مستواهم وتشتغل على المالية الخاصة بالفريق. كل ما الفريق بتاعك يبقى سعيد أكتر, هتاخد Bonuses أكتر وهكذا. لازم تبقى عارف طريقة ادارة فريقك و اقتصادي بمعنى إنك ملزم إنك تدفع راتب اللاعبين فحصولك على لاعبين غاليين كتير هيبقى صعب جدا, ومش هيوازن عملية المحافظة على الفريق. و ديه مخاطرة إنت بيتم تحذيرك  منها من اللعبة. كل ده بيرغمك إنك تبقى مدير فني  و لاعب كويس وإلا هتلاقي حد تاني هو اللي بيدير فرقتك بدالك.

MyClub هو Mode تاني تم تعديله جدا. لو عندك لاعبين سيئين, ممكن تحسن ده بأنك تلعب أكتر بيهم. كل اللاعبين, حتى الكويسين, ممكن يبدأوا من أول مستوى لحد ما يوصلوا لأخر مستوى وهو30. فـ لو سألتني هل MyClub هيقدر ينافس الـUltimate Team الخاص بـFIFA, فـ اجابتي هتبقى اكيد.

بعد تجربة كل Modes ديه, جه وقت اختبار الـOnline. في ملحوظة احب اقولها الاول وهي اوقات التحميل الخاصة باللعبة أول ما بتفتحها طويلة جدا. أول حاجة PES 2016 بتعملها أول ما بتفتح اللعبة, هي إنها بتعمل تزامن بين الداتا الخاصة بيك مع Data سيرفرات اللعبة. ده ممكن ياخد لحد 30 ثانية. من المفترض إن عملية زي ديه تحصل في Background لما أكون جوه اللعبة, لأن ده  بيشل حركة اللعبة تماما وبتفضل مستني لحد ما اللعبة تخلص و تخش الـMenu.  وبعد العملية ديه Loading times بتبقى قليلة جدا. Online Mode بقى كويس جدا عن السنين اللي فاتت . مفيش أي Lag ملحوظ.

الصوت في اللعبة كويس, ولكن التعليق مش قد كده خالص. الموسيقى الخاصة بالقوائم رائعة جدا, وممكن تستخدم الـPlaylist الخاصة بيك زي ما إنت عايز. أما عن المعلقين فهم بيحاولوا انهم يفضلوا في Mood إيجابي بزيادة و ساعات بتبقى متأخرة جدا. كمثال إنت ممكن تسمع تعليقه على حاجة معينة إنت خلاص عملتها.

Konami قدرت إنها تقدم أحساس المباراة بامتياز. FOX Engine اخيرا بيقدم المطلوب منه على الجيل الحالي. عيب اللعبة هو العيب المعتاد في PES وهو إن مفيش ترخيص نوادي و دوريات كتير و ضعف المعلقين.

عيوب اللعبة ليست بالمدمرة لتجربة اللعبة. PES 2016 هي واحدة من افضل لعب الكرة اللي لعبتها. و واحدة من المميزات إنك تقدر تعدل الفرق والدوريات عن طريق datapacks اللي بتنزلهم .بمعنى اصح هتلاقي الفرق اللي إنت عايزها موجودة عن طريق محتوى مصنوع من جماهير اللعبة.

اللعبة تم مراجعتها على PlayStation 4.