SK Productions News Center

مراجعة FIFA 15

شعار حملة FIFA الدعائية السنة دي Feel The Game وهو إن اللعبة هتخليني أحس بكل حاجة بتحصل في مباراة كورة عن طريق اضافة أكتر من 600 Animation جديد, وتطوير رهيب لحراس المرمى وتطوير عرض  ديناميكية المباراة. هل EA Sports Canada قدرت تعمل كده السنة ديه؟

بكل صراحة اقدر اقول آه FIFA 15 قدمت روح المباراة بشكل ممتاز في مباريات الواحد بيحس انه فعلا بيتفرج على مباراة حقيقية ولكن هواللي بيتحكم بالمباراة هو اللي بيلعب هو اللي بيبني تكتيك المباراة.

أول حاجة هبدأ بيها هو الـInstructions *التعليمات* وهي إنك بتدي لكل لاعب دور يعني مثلا في مباراة بين Atletico Madrid و Manchester City أنا كنت بلعب بـAtletico وكنت بلعب بخطة دفاعية وعلى الكرة المرتدة,  خاصية إني اقدر اخلي لاعب مهاجم زي Mandzukic انه يلعب ورا المدافعين دي ممتازة.

FIFA 15 Kick Off (In Menus)

الموضوع ده كله بيدي روح جديدة للمباراة. بيبقى في بناء لتشكيلة النادي التحكم كامل لتشكيلة نادي في ايدك, واللي ساعد على كده أكتر التصميم الجديد لظبط الخطة وتشكيلة الفريق اللي بعتبره مريح للعين عن اللي كنا بنشوفه في اجزاء FIFA اللي فاتت.

FIFA 15 Kick Off (In Menus)

تاني حاجة هتكلم عنها هي من اهم حاجات في FIFA 15 وهي حراس المرمى هل زي ما EA وعدت في تطوير ضخم في حراس المرمى؟

آه فيه تطوير ضخم وحراس المرمى فعلا ممتازين و بيصدوا كور شبه مستحيلة والموضوع بيبقى ممتع جدا وبيزود اثارة المباراة, و ده طبعا بسبب Animations كتير جديدة بتدي احساس قريب جدا للواقع أو زيه بالظبط. في اجزاء سابقة من FIFA زي 13 و 14 كان بيبقى في استغلال لنقطة إن حارس المرمى كان معظم الكور اللي في المقص كانت مستعصية إنها تتصد ولكن في FIFA 15 حراس المرمى بيصدوا الكور دي وبشكل ممتاز وواقعي جدا و بيخلي المباراة حاجة تانية.

fifa-15

الـBall Control الممتاز اللي تم تطويره في اللعبة ديه عن عكس أي جزء سابق من FIFA التحكم في الكرة هنا ممتاز جدا بيخليك تحس إن إنت عندك تحكم في الكرة زي Messi والعملية سلسلة جدا توازن اللاعب في المباراة والكرة في رجله والحركة الممتازة لجسم اللاعب هي أكتر حركة واقعية شوفناها في لعبة كرة قدم حتى الآن.

وطبعا أساسي قدام التحكم في الكرة ده يبقى في تطوير في الدفاع, EA من FIFA 14 والشكر يعود لـIgnite Engine واحنا بنشوف دفاع قوي جدا وعنيف وبيكافح بكل حاجة عنده عشان يقطع الكرة ولكن للاسف AI الدفاع في FIFA 15 بيغلط غلطات كارثية, لو أنت بتحكم بمدافع هتقدر بنسبة كبيرة توقف المهاجم اللي قدامك وهكذا ولكن AI الدفاع سيء في هجمات كتير يعني مش غلطات الدفاع العادية زي اللي بتحصل في الحقيقة, ولكن ساعات المدافع يفضل واقف لحد ما تتحكم فيه.

FIFA 15 Career (In Menus)

الشوط والعرضيات تم ظبطهم بشكل جيد جدا, الشوط بقى اصعب نوعا ما مقارنة مع الجزء السابق اللي من وجهة نظري كان سهل جدا بلاعب زي Messi, Ronaldo, Suarez, Ibrahimovic و أي لاعب التسديد بتاعه كويس انه يجيب جول من برة الـ18. العرضيات هي فعلا اللي اتغيرت بشكل كبير المدافعين بقوا أقوى زي الحقيقة في انهم يلحقوا الكرة من المهاجم واللعبة بتعتمد بشكل كبير على قدرة اللاعب في القفز و التسديد بالرأس و المدافع اللي قدامه و اللاعب اللي رافع الكرة و إزاي وإنت بترفع الكرة تظبطها للمهاجم.

 fifashoot

تصميم وجوه اللاعبين و اجسامهم ممتاز جدا وتصميم الملاعب الرائع, و EA فعلا قدرت تستغل عقدها مع الاتحاد الانجليزي وأكتر حاجة ممتازة في اللعبة هو أي مباراة في الدوري الانجليزي وهنا بتحس فعلا بمباراة كرة, EA قدرت تعمل Face Scan لاكتر من 200 لاعب من دوري الانجليزي. و اضافة 20 استاد من الدوري الانجليزي.

Animations جديدة لحراس المرمى, حركة اللاعب, احتكاك اللاعبين مع بعض, ردود فعل اللاعبين وتفاعلهم مع بعض, تفاعل لعيبة فرقتك مع بعضهم زي مثلا لما لاعب يضيع كرة سهلة هتلاقي تفأعل من لعيبة الفرقة وهم بيعبروا عن استيائهم إن هجمة سهلة ضاعت أو كثرة ضياع الهجمات من لاعب واحد وهتحس زي المباريات الحقيقية إن في زي توتر بين لاعبي الفرقة. و دكة البدلاء بقت مكان حي مثلا لما يجي هدف أو تضيع فرصة بيبقى في تفأعل من على دكة البدلاء.

fifa7.18610-1411468895 fifa15complain

fifa15emotion

جماهير كل فرقة اصبحت مثل الحقيقة كل جمهور في FIFA بقى ليه تشجيعه الخاص زي اللي في المباريات زي جماهير Man City لما بيعملوا احتفالية “The Poznań” و تم اضافة اهازيج الجماهير زي مثلا You Will Never Walk Alone الخاصة بجماهير Liverpool هتسمعها في اللعبة. واخيرا اضافة لوحة اعلانات متحركة.

fifachant fifaturnurback

fifaturnyourbackandjump

من الحاجات اللي للاسف سيئة جدا هي إن مفيش Match Lobbies في اللعبة و ده أمر محزن جدا, لأن كده للاسف مينفعش إنت و 3 صحابك مثلا تلعبوا مع بعض Online , أنا بتمنى إن EA ترجع Match Lobbies في Update قريب, ولكن في حاجة كويسة نوعا ما وهو إن Tournaments رجعت اخيرا.

اضافة Match Day Live بالتعاون مع موقع الأخبار Goal.com هو كويس جدا بيديك زي استطلاع سريع وأنت في اللعبة عن آخر أخبار الكرة المباراة القادمة لفريقك المفضل في اللعبة ترتيب الفريق في الدوري و هداف النادي المفضل لك وهداف النادي المنافس اللي هيلاعبه فريقك في المباراة القادمة.

FIFA 15 (In Menus)

اضافة خاصية اعارة اللاعبين *loan players* في Ultimate Team هي اضافة ممتازة جدا لانها هتساعد على تحسين الطور ويبقى في زي Balance أكتر في FUT, يعني افتراضا لو عندك مباراة مهمة ومحتاج لاعب كويس جدا وللاسف ماطلعش في Pack أو مفيش فلوس إنك تشتريه, حوار الاعارة هيسهل كتير جدا على اللاعب.

FIFA 15 FUT Hub (In Menus)

الحكم النهائي

FIFA 15 نقدر نقول عليها أحسن FIFA نزلت من بعد FIFA 11, ستوديو EA Sports Canada عرف يصلح مشاكل كتير السنة ديه من الحراس للشوط والعرضيات, FIFA 15 هي فعلا اللي أنا شخصيا اقدر أقول عليها هي ديه الجزء اللي كنت عايزه من بعد FIFA 11, الدوري الانجليزي في اللعبة ديه ممتاز والأمر ده مبشر جدا للأجزاء القادمة ممكن نلاقي EA هتعمل نفس الكلام اللي اتعمل مع دوري الانجليزي في دوريات تانية زي الإيطالي و الاسباني وهكذا, اللعبة Graphically ممتازة, و طور الـCareer بقى ممتع أكتر وبالذات في دوري الانجليزي باضافة تشكيلة كبيرة من المدربين, الـDynamic Match Presentation بتقدم روح رائعة للمباراة وفعلا المباراة في معظم الاوقات إنت في حركة كاملة عشان ماتطلعش من الـMood وأنت بتلعب وتحس بروح المباراة زي الحقيقة كده. أنا بنصح محبي FIFA 11 بالذات انهم يلعبوا FIFA 15.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.