بعد النجاح المبهر لسلسله Arkham و الي انتهت بـArkham Knight طلعت شائعه ان في لعبه لعالم Batman تحت التطوير بس المره دي مش Bruce Wayne بل ابنه Damien Wayne و هو ابن Talia Al Ghul بنت Ras’ lGhul او اسمه بالعربي راس الغول , و هو واحد من اكبر الـVillians في العالم بتاع Batman
و علي حسب شائعه من مدونه اسمها bytesizeimpressions ان فعلا في لعبه تحت التطوير و بطلها Damien Wayne و لكن بدور Caped Crusader او Young Robin و هو اصغر Side-Kick او معاون لـBatman و لكن رغم انه لسه اصغرهم الا انه كان احسن من كذا Robin في الـBatFamily و اللعبه هتكون احداثها المفروض فالمستقبل الي مش هيكون بعيد اوي عن اخر جزء في مدينه جوثام طبعا و المدينه هتكون اكبر بكتير و العالم هيكون مفتوح اكتر و يبتعد عن الخطيه شويه من حيث ان اللعبه هيكون فيها تتابع للنهار و الليل زي اغلب الالعاب دلوقتي و الـBatCave و الـBatcycle هيكونو مش بس متاحين للاستخدام انما انك تطورهم و تعدل فيهم.
و في نفس الشائعه كلام ان لعبه لـSuicide Squad تحت التطوير برضو , و لكن كل ده لسه تحت نطاق الشائعات و صاحب المدونه قال لو حد من الصحافه المختصه يكلمني انا ممكن اثبتلهم بالمصادر عشان الموضوع يخرج من نطاق الشائعات لكن الغريب ان الخبر ده جاي مع اقتراب نزل لعبه لـBatman من استوديو Telltale المتخصص في العاب الكوميكس بشكل خاص ..
الخبر ده جاي قبل معرض E3 بفتره قصيره منستبعدش ان الاستوديو الي متقالش هو ايه بالظبط لحد الوقتي يعلن عن حاجه في E3
