في خلال شهر نوفمبر القادم شركة Blizzard هتقيم مؤتمرها السنوي Blizzcon و من خلاله دايما بيكون في اعلانات جديدة بالاضافة لمسابقات و خلافه, الشركة مع مجموعة المقتنيات الدعائية اللي بتبعتها للمواقع و الـYoutubers ضافت شئ صغير جدا اثار الجدال من خلال Youtuber اسمه Rhykker و لاحظ ان في Dice او نرد او زهر زي ما بيتقال عليه في مصر تصميمه موجه للعبة Dungeon and Dragon لكن التصميم كان خطئ و المفترض من كل النواحي يظهر رقم ثابت انما في ناحيتين اظهر رقم 1 و الناحية التالتة ظهر رقم 4 و النرد كان موجود في محفظة محفور عليها شعار لعبة Diablo.
لكن الموضوع اشتعل اكتر من خلال Tweet لـDavid Brevik واحد من مؤسسين Blizzard اللي استقال من الشركة بعد اصدار الجزء التاني و قال فيها انه سعيد و فخور بكونه مستشار في عملية تطوير لعبة جديدة و قال ان الالعاب الشبيه بـDiablo علي مدار 20 سنة اتطورت تطور ضخم و هو مستعد انه ينقل التصنيف لافاق جديدة.
For 20 years, Diablo-like games have evolved & surprised us. I'm proud to be the adviser for the game that pushes this genre to new heights. pic.twitter.com/LIT3i0UwJv
— David Brevik (@davidbrevik) October 16, 2016
لكن الاغرب انه تراجع و قال انه حاليا مش شغال علي اي حاجة تخص Diablo.
There has been a lot of speculation (and hope), but I'm not working on the Diablo franchise currently or in the near future#sorry#muchlove
— David Brevik (@davidbrevik) October 17, 2016
عموما مع كل التخمينات و التكهنات دي معدش فاضل الا انتظار Blizzcon 2016 يوم 4 نوفمبر القادم.
