العاب Bioware موعودة دايما بالتسريبات من خلال استطلاعات الرأي و اخر لعبة حصل تسريب لمعلومات عنها هي Dragon Age: Inquisition و بالتحديد معلومات عن اضافة للقصة.
اللي اتعرف عن الاضافة دي انها ليها دور مهم و محوري في قصة اللعبة و بتحدد المصير النهائي للـInquisition و تعتبر المغامرة الاخيرة ليك خصوصا ان بعد انقاذ عالم اللعبة في اللعبة الاساسية الامور موقفتش عند نقطة معينة, بالعكس العالم مازال تحت خطر من مجموعة قتلة بيظهروا من الخفاء و غزو من اعداء هيخلوك في سباق مع الزمن.
الاضافة المفروض انها هتضيف اماكن جديدة و معرفة اسرار جديدة عن الـFade و هيكون سعره 15 دولار.
