معاد نزول لعبة Metal Gear Solid V the Phantom Pain من اكتر الحجات اللي يمكن ناس كتير و انا منهم منتظرينها بقالنا فترة و التلميحات بمعاد النزول في الفترة اللي فاتت مفيش اكتر منها خصوصا بعد The Game Awards.
لكن النهاردة محلات اضافت معاد النزول الخاص باللعبة في القوائم الخاصة بيها زي Rakuten و Microsoft Digital Shop و المعاد هو 24 فبراير.
التصرف غريب بحيث ان المعاد في نفس الوقت يتحدد علي موقعين مختلفين بدون تأكيد رسمي و جايز يكون المعاد ده مجرد تحديد لفترة النزول او Place Holder.
في الفترة اللي فاتت بعض الناس شكوا في ان كوجيما اعلن عن معاد نزول اللعبة بشكل غير مباشر بكلام مكتوب بالسويدي علي لبسه و كان مكتوب 22-6 يمعني ان اللعبة هتنزل يوم 22 يونيو.
