أخبار و مراجعات ألعاب الفيديو

فيديو يوميات تطوير للعبة Horizon: Zero Dawn عن بطلة اللعبة Aloy و دورها مع احداث القصة

SHARE
, / 346
فيديو يوميات تطوير للعبة Horizon: Zero Dawn عن بطلة اللعبة Aloy و دورها مع احداث القصة

من خلال فيديو يوميات تطوير جديد تم اطلاقه من خلال ستوديو Guerrilla Games للعبة Horizon: Zero Dawn بيظهر فية Hermen Hulst رئيس الستوديو و مخرج اللعبة Mathijs De Jonge و مسئول التصميمات Jan-Bart van Beek و بيتكلموا عن اللعبة و عن العالم الي هيبقي موجود في اللعبة و كمان ظهور في الفيديو بطلة اللعبة و هي صغيرة في السن و بعض مشاهد من الجيم بلاي .

و ظهرت بطلة اللعبة و الي اسمها Aloy و الي تعتبر انها نشأت في قبيلة تعيش في مكان مجهول و بعيد و الشخصية بتعاني من الوحدة و في شخصيات كتير في القبيلة بتحاول انها تبعد عنها و تتجنبها و لكن في بعض الشخصيات في اللعبة بتحبها و بتتكلم معاها و بتساعدها في انها تعرف تاريخ العالم قبل حدوث الكارثة اللي ادت لتحكم الالات الضخمة فيه.

و ظهر في الفيديو مشاهد لـAloy و هي طفلة و  هنقدر نلعب بيها في اللعبة في عدد من المهمات من مرحلة الطفولة  و لكن من المتوقع انها هتكون الفترة التعليمية الي بتبقا في اول اللعبة و الي من خلالها اللعبة بتعرفنا علي العالم .

و في اللعبة هيكون اللاعبين في احالة استكشاف للحضاراة السابقة للبشر و العثور علي اثارهم عشان عايزين يعرفوا اية الي وصل البشر لما هم عليه و ازاي الحضارة البشرية اتدمرت . و في اللعبة في معتقدات و نظريات كتير و لكن aloy لا تعترف بيها و انها بتقتنع بوجهات نظرها هي و ده الي بيدفعها للبحث و المغامرة لمعرفة الحقيقة .

Horizon: Zero Dawn هيتم اصدارها في 28 فبراير 2017 في امريكا الشمالية و 1 مارس في اوروبا  و بريطانيا و اللعبة حصرية فقط علي PS4 و PS4 pro .